"წითელი ეშმაკების" ლეგენდა გაოგნებულია, რადგან ხალხი დე ხეას ადგილს ძირითადში კითხვის ნიშნის ქვეშ აყენებს. მისი განცხადებით, ესპანელი "იუნაიტედში" პრობლემა ნამდვილად არ არის.
"მე ძალიან, ძალიან იმედგაცრუებული ვარ ყველას მოკლევადიანი ხედვების გამო. იმედგაცრუებული ვარ იმ ხალხის გამო, რომლებიც ფიქრობენ, რომ სოციალურ ქსელებში მსგავსი რამეების დაწერის უფლება აქვთ."
"მინდა, რომ ხალხს ვთხოვო, შეხედონ იმ გუნდს, სადაც ის თამაშობს, დააკვირდით თავდაჯერებულობის ხარისხს გუნდში. შემდგომ დააკვირდით ყველაფერს იმას, რაც დავიდმა გუნდისთვის გააკეთა. ბოლო ოთხი-ხუთი წლის განმავლობაში ის უბრალოდ ბრწყინვალე იყო."
"რა თქმა უნდა, მან დაუშვა შეცდომები და ეს ბუნებრივია. ეს ყველა მეკარეს მოსდის. მხოლოდ ორი მატჩი დარჩა და ხალხი კითხვებს სვამს იმის შესახებ ითამაშებს თუ არა დავიდი. იმედგაცრუებული ვარ ამ ხალხის გამო, რომლებმაც ასე მარტივად აიღეს ხელი ადამიანზე, რომელიც ამდენად კარგია. ძალიან, ძალიან იმედგაცრუებული ვარ."
"წარმოიდგინეთ "იუნაიტედი" დე ხეას გარეშე და მიხვდებით, თუ სად ვიქნებოდით დღეს სატურნირო ცხრილში. ეს კითხვა უნდა დასვათ და არა ის, ითამაშებს თუ არა დავიდი ძირითადში."
"მე მას ვერაფერში დავადანაშაულებ. ვფიქრობ, რომ ბოლო წლებში ის უბრალოდ ფანტასტიკური იყო და მსურს, ხალხმა მას უბრალოდ ამ დღეების გადაგორების უფლება მისცენ."
"ის არ არის პრობლემა, "იუნაიტედში" ძალიან ბევრი პრობლემაა, რომელიც უნდა აკრიტიკოთ, მაგრამ დე ხეა პრობლემა ნამდვილად არ არის."