"კრისტალ პალასის" მცველისთვის პრემიერ ლიგის გუნდები იბრძოდნენ, მათ შორის "ჩელსი", "მანჩესტერ სიტი" და "მანჩესტერ იუნაიტედი".
თუმცა აარონ ვან-ბისაკამ განაცხადა, რომ ყველა შემოთავაზებაზე უარს ამბობს და ამ ზაფხულს "კრისტალ" პალასიდან გადასვლას არ აპირებს.
21 წლის მცველმა მიმდინარე სეზონში 37 მატჩი ჩაატარა და ის ინგლისის 21 წლამდელთა ნაკრებშიც გამოჩნდა. "ამ სიტუაციებსა და ჭორებზე მხოლოდ ის შემიძლია ვთქვა, რომ ჩემი თამაშები და შრომა სხვებს შეუმჩნეველი არ დარჩენიათ."
"თუმცა ახლა "კრისტალ პალასში" ვარ და ჩემი კონტრაქტიც ამ გუნდთან მიკავშირებს მომავალს და სწორედ აქ დავრჩები შემდეგ სეზონშიც."
"ჯერ კიდევ სამი წელი დამრჩა და კონტრაქტის მიხედვით მე აქ ვარ, ასე რომ მხოლოდ "კრისტალ პალასზე" ვარ კონცენტრირებული," - განაცხადა ვან-ბისაკამ.