"მანჩესტერ იუნაიტედის" ესპანელი კარის დარაჯი დავიდ დე ხეა, ფრანგული "პსჟ"-ეს ინტერესთა სფეროში მომავალი ზაფხულის სატრანსფერო ფანჯარაზეც იქნება.

სატრანსფერო ჭორებს ამყარებს ის ფაქტიც, რომ მეკარე ბოლოდროინდელი მატჩებია მოწოდების სიმაღლეზე ვერ დგას. სპორტული ტაბლოიდები კი ამ ყველაფერს, გუნდიდან წასვლის სურვილს უკავშირებენ.

Paris United-ი ავრცელებს ინფორმაციას რომელზე დაყრდნობითაც შეიძლება იმის თქმა, რომ ფეხბურთელის აგენტსა და არაბი შეიხის კლუბის წარმომადგენლებს შორის, მოლაპარაკებები უკვე შედგა. კერძოდ, ფრანგულ კლუბის სპორტულმა დირექტორმა ენრიკე ანტერომ, დე ხეას ზღაპრული ხელფასიც შესთავაზა.

თუმცა, გავრცელებული ცნობების თანახმად, დე ხეას "ოლდ ტრაფორდიდან" წასვლა მეტწილად დამოკიდებული იქნება იმაზე, მოახერხებს თუ არა გუნდი, მომავალი სეზონისთვის ჩემპიონთა ლიგის საგზურის მოპოვებას.

მიმდინარე კონტრაქტი მეკარეს "მანკუნიანელებთან" 2020 წლამდე აქვს გაფორმებული.