ანტონიო კონტეთი "რომა" და "ინტერი" ინტერესდებიან, თუმცა მან პირველ ადგილზე "მანჩესტერ იუნაიტედი" დააყენა.

როგორც იტალიური პრესა იტყობინება, "ჩელსის" ყოფილ მწრთვნელს პრემიერ ლიგაში დაბრუნება და "იუნაიტედის" ჩაბარება სურს. შეგახსენებთ, რომ კონტე ჯერ კიდევ დაობს "ჩელსის" ხელმძღვანელობასთან კომპენსაციის არასწორად ჩარიცხვის გამო.

თუმცა აღნიშნული დავა მას ხელს არ უშლია და 49 წლის მწრთვნელი მზადაა, რომ უარი უთხრას იტალიელებს და ინგლისში დაბრუნდეს.

"Gazzetta dello Sport"-ის განცხადებით, კონტესთვის "იუნაიტედის" ჩაბარება დიდი გამოწვევაა და ახლა მისი კარიერისთვის მრავალფეროვნების შეძენას სწორედ "წითლების" გაწრთვნით ეცდება.

ოლე გუნარი ბოლო ათ მატჩში ზედიზედ შვიდში დამარცხდა და ამჟამად კლუბთან სამწლიანი კონტრაქტი აკავშირებს. ამასთანავე, მიუხედავად იმისა, რომ "წითლებმა" ოთხეულამდე სხვაობა საგრძნობლად შეამცირეს, სავარაუდოდ, ისინი ოთხეულში შესვლას ვერ შეძლებენ.

ოლე გუნარის სეზონის ცუდი დასასრულის გამო, ნორვეგიელის მომავალი კლუბში პრესამ საეჭვოდ აქცია. მის რეალურ შემცვლელად კი ანტონიო კონტე მოიაზრება.


წყარო: Metro.co.uk