"მანჩესტერ იუნაიტედის" მთავარი მწვრთნელი ოლე გუნარ სოლსკიაერი, ზაფხულში ცვლილბებს აანონსებს და აცხადებს, რომ გუნდს არ სჭირდება ის მოთამაშეები რომლებიც ფულის მიმართ არიან მიდრეკილნი.
"ჩვენ გვჭირდება არამხოლოდ მაღალი დონის მოთამაშეები, არამედ ფეხბურთელები რომელთაც სწორი დამოკიდებულებები გააჩნიათ. "იუნაიტედს" არ სჭირდება ის ფეხბურთელები, რომლებიც ფულისკენ და პირადი დიდებისკენ მიიწევენ.
არ მსურს, რომ ჩვენი კლუბი ფეხბურთელებმა მხოლოდ ფულის გამო აირჩიონ, მხოლოდ იმიტომ, რომ შეგვიძლია მაღალი ხელფასების გაცემა". - ციტირებს Goal - სოლსკიაერის სიტყვებს.
სხვადასხვა საინფორმაციო წყაროებზე დაყრდნობით, დავიდ დე ხეას, პოლ პოგბას, მატეო დარმიანის, მარკოს როხოს, ალექსის სანჩესისა და რომელუ ლუკაკუს მომავალი "ოლდ ტრაფორდზე" კითხვის ნიშნის ქვეშაა, ხოლო დიდი ალბათობით ხუან მატა და ანდერ ერერა კლუბს თავისუფალი აგენტის სტატუსით დატოვებენ.