"მანჩესტერ იუნაიტედის" მწრთვნელმა ოლეგუნარ სოლსკიაერმა დაადასტურა, რომ ანდერ ერერა "ჩელსისთან" მატჩისთვის მზად იქნება.
ესპანელმა აპრილის ყველა მატჩი გამოტოვა. შეგახსენებთ, რომ მან ტრავმა "უოტფორდთან" მატჩის დროს მიიღო. "სეზონის ბოლომდე სამი მატჩი დარჩა და ანდერი დამოუკიდებლად ვარჯიშობდა. ის ძალიან მოტივირებულია."
"სავარაუდოდ, მას კვირას იხილავთ. ვფიქრობ, ის საკმარისად კარგად გრძნობს თავს ამ მატჩისთვის. გარანტიას ვერ გაძლევთ, რადგან წინ ორი დღეა, მაგრამ ბოლო ორი დღე ჩვენთან ერთად ივარჯიშა. ასე რომ შანსები დიდია."
ოლეს ჟურნალისტებმა დავიდ დე ხეას შესახებაც დაუსვეს კითხვები. აინტერესებდათ, ხომ არ აპირებდა ესპანელის ამოგდებას და რომეროთი ჩანაცვლებას, რაზეც შემდეგი პასუხი მიიღეს: "არა, რა თქმა უნდა, არა. მე ამაზე არც კი მიფიქრია. დავიდს ძალიან ვენდობი და ისიც მენდობა. ის ბოლო ექვსი შვიდი წელია ჩვენს გუნდში საუკეთესოა. უბრალოდ გამაოგნებელია მისი თამაშის ხარისხი, საოცრებებს აკეთებს. ესეთი მომენტები ყველა ფეხბურთელის კარიერის ნაწილია. დავიდი კარგად იქნება, ამაზე არ იდარდოთ."
"რაც შეეხება სკოტს, მან ოთხშაბათს ვერ ივარჯიშა. დღეს კიდევ ერთი დღე აქვს და ვნახოთ, როგორ იქნება. სავარაუდოდ, კვირას ისიც დაგვიბრუბდება," - განაცხადა სოლსკიერმა.