"იუნაიტედი" "ევერტონთან" დიდი ანგარიშით დამარცხდა. "წითლებმა" ანტირეკორდი დაამყარეს და 1981 წლიდან პირველად დამარცხდნენ მეხუთე გასვლით მატჩში ზედიზედ.
ინგლისის ყოფილმა მცველმა დენი მილსმა განაცხადა, რომ "იუნაიტედმა" სოლსკიაერის დანიშვნა იჩქარა, მაგრამ ნორვეგიელი დარწმუნებულია, რომ ის ამ სამსახურს სათანადოდ გაართმევს თავს.
"მე დარწმუნებული ვარ ჩემს გუნდსა და საკუთარ შესაძლებლობებში და მზად ვარ ყველა გამოწვევის მისაღებად. ვიცი, რომ ეს მარტივი არ იქნება, ვიცი, რომ წინ დიდი გამოწვევა მელის, მაგრამ აქ იმისთვის მოვედი, რომ ყველა წუთისგან სიამოვნება მივიღო. ეს ადრეც ვთქვი და ზუსტად ასე იქნება."
"მე არ მიყვარს წაგება, მაგრამ ესეც გამოწვევაა და როცა ცუდ შედეგებზე გადიხარ თავდაჯერება მაინც უნდა შეინარჩუნო. ყოველთვის უნდა გქონდეს გეგმა, რომელსაც ბოლომდე გაყვები."
"მე კლუბის წარმატებისთვის ბევრი გადაწყვეტილების მიღება მომიწევს. მე ფეხბურთელებს ვეხმარები, მაგრამ ჩემი საბოლოო მიზანი კლუბის წარმატებაა."
"მე ეს ბიჭები ძალიან მომწონს, მეტიც, მიყვარს ისინი, მაგრამ გადაწყვეტილების მიღება მომიწევს. ბევრ ფეხბურთელში მანჩესტერული სისხლი ჩქეფს, თუმცა რამდენიმეს დატოვება და რამდენიმეს გაშვება მაინც მოგვიწევს. ახლა ამაზე სასაუბრო დრო არ არის. ახლა "სიტისთვის" უნდა მოვემზადოთ."