ბელგიელი, "მანჩესტერული" კარიერის დასასრულის წინაშე დგას.
ზაფხულის სატრანსფერო ფანჯარა, "მანჩესტერ იუნაიტედისთვის" უჩვეულოდ ცხელი იქნება. კლუბი ტრნსფერზე ერთდროულად რამოდენიმე ფეხბურთელის დაყენებას გეგმავს.
გუნდის მენეჯერმა ოლე გუნარ სოლსკიაერმა, ცვლილებების შესახებ თავად დაანონსა. ფაქტი ერთია, ინგლისური გრანდის შემადგენლობა გადახალისებას აუცილებლად საჭიროებს.
ანტონიო ვალენსია, მარკოს როხო, მატეო დარმიანი, ხუან მატა, ანდერ ერარა - ეს იმ ფხბურთელების სახელები და გვარებია, რომლებიც დიდი ალბათობით "წითელი ეშმაკების" ღირსებას მომავალი სეზონიდან ვეღარ დაიცავენ, გლეიზერების კლუბს აღნიშნული ფეხბურთელების გასხვისება გადაწყვეტილი აქვთ.
The Telegraph - ის ცნობით, "წითლების" სტაფში კიდევ ერთი ფეხბურთელის გაყიდვის შესახებ მიიღეს გადაწყვეტილება. სავარაუდოდ, "იუნაიტედი" ტრანსფერზე, ცენტრალურ თავდამსხმელს რომელუ ლუკაკუსაც დააყენებს.
25 წლის შემტევით არაერთი კლუბი ინტერესდება. ლუკაკუს გადაბირებას მიუნჰენის "ბაიერნი", ფრანგული პსჟ და ლუჩიანო სპალეტის "ინტერი" შეეცდებიან.
მიმდინარე სეზონში, პრემიერ ლიგის 29 შეხვედრაში ლუკაკუმ მხოლოდ 12 გოლის გატანა შეძლო.