ჩემპიონთა ლიგის მეოთხედფინალური მატჩის განმეორებითმა შეხვედრამ "კამპ ნოუზე" კიდევ უფრო ნათლად აჩვენა, რომ ინგლისური გრანდი "მანჩეესტერ იუნაიტედი", ზაფხულის სატრანსფერო ფანჯრის გახსნისთანავე, შემადგენლობის სერიოზულ გადახალისებას საჭიროებს.

ოლე გუნარ სოლსკიაერის შეგირდები, ერნესტო ვალვერდეს "ბარსლონასთან". უშანსოდ 3-0 დამარცხდნენ და ტურნირს გამოეთიშნენ. აღსანიშნავია, რომ შეხვედრაში თავის გამოჩენა, "იუნაიტედის" ერთ ერთმა ყოფილმა სამიზნემ ფილიპე კოუტინიომაც მოახერხა, რომელმაც დე ხეას კარი საჯარიმოს გარედან. შესანიშნავი დარტყმით აიღო.

რატომ ყოფილმა სამიზნემ? ალბათ უფრო იმიტომ, რომ "მანკუნინელებმა" კოუტინიოს შესაძლო ტრანსფერის თაობაზე გადაწყვეტილება უკვე მიიღეს.

Sport.es-ი ავრცელებს ინფორმაციას, რომელზე დაყრდნობითაც შეიძლება ითქვას, რომ ბრაზილიელის ყიდვა "იუნაიტედის" გულშემატკივრების უკმაყოფილებას გამოიწვევს, სწორედ ამიტომ გლეიზერების გუნდმა ფილიპეს ყიდვა გამორიცხა. შეგახსენებთ, რომ ეს უკანასკნელი აქამდე "წითლების" პრინციპული მეტოქის "ლივერპულის" ღირსებას იცავდა.

მიმდინარე სეზონში, 26 წლის ფხბურთელის მონაგარი, ესპანეთის ჩემპიონატში, 30 ჩატარებულ მატჩში 5 გოლი და 2 საგოლე გადაცემაა.