"მანჩესტერ იუნაიტედი" გუშინ "ვულზვთან" მატჩში დამარცხდა. "წითლება" შეხვედრა დამაჯერებლად დაიწყეს, გოლი გაიტანეს, წინ თამაშობდნენ, უამრავი მომენტიც შექმნეს, თუმცა, საბოლოოდ, სახლში სამი ქულის წამოღება ვერ მოახერხეს.
ოლე გუნარ სოლსკიაერის მოსვლის შემდეგ ეს მესამე დამარცხებაა ყველა ჩემპიონატში. ის, რომ "იუნაიტედი" უკეთესი გუნდი იყო და ბევრად კარგი თამაში აჩვენეს ნათელი იყო ორივე მხარისთვის. აღნიშნული "ვულვზის" მწრთვნელმაც აღიარა.
"იუნაიტედმა" თამაში გაცილებით უკეთ დაიწყო. ისინი თამაშს აკონტროლებდნენ და ყველა პოზიციას ფლობდნენ. გაიტანეს და თან ბევრი გვაწვალეს, თანაც ბევრი დრო დაგვჭირდა იმისთვის, რომ რეაქცია გამოგვევლინა. თუმცა როცა რეაქცია გამოვავლინეთ, ყველაფერი ფანტასტიკურად გავაკეთეთ. ჩვენ წინ წავიწიეთ და ყველაფერი ძალიან კარგად გავაკეთეთ. თუმცა წითელი ბარათის შემდეგ ყველაფერი გაცილებით უფრო მარტივი იყო."
"იუნაიტედმა" ქულები დაკარგა და მეოთხე ადგილიდან მეხუთე ადგილზე გადაინაცვლა, თუმცა ოლე გუნარი ისევ პოზიტიურადაა განწყობილი მომავლის მიმართ.