ჩილელი კვირაში €500 000 ათასს იღებს და სოლსკიაერი იმედოვნებს, რომ ამ ფულის ამოღება მისი სარფიანად გაყიდვით შეიძლება. მაგრამ კლუბების უმრავლესობა მისი ფორმის დაკარგვით შეშინებულია და სანჩესით დაინტერესებას არ ჩქარობენ. თუმცა იტალიური Calciomercato-ს ცნობით, "იუვენტუსში" ფიქრობენ, რომ ალექსისის შეძენა და ძველ ფორმაში დაბრუნება შეუძლიათ.

სანჩესს "იუნაიტედთან" კონტრაქტი კიდევ 3 წელი ექნება, მაგრამ ეს გუნდს მის გაყიდვაში ხელს არ შეუშლის, თუ 30 წლის ვინგერს დარჩენა უნდა, მოუწევს სეზონის ბოლომდე დაამტკიცოს, რომ ამას იმსახურებს. "საუთჰემპტონთან" მან კიდევ ერთი ტრავმა მიიღო და დღეს ბარსელონადან დაბრუნდა ექიმთან ვიზიტის შემდეგ.

სოლსკიაერმა მასზე ისაუბრა: "ის დღეს დაბრუნდა ბარსელონადან, სადაც თავისი ხალხი მოინახულა. გარკვეული ხანი ვერ ითამაშებს, მაგრამ "ევერტონთან", "სიტისთან" და "ჩელსისთან" ალბათ დაგვეხმარება. სანჩესს ფეხბურთი უზომოდ უყვარს და ყველაფერს აკეთებს, რათა მალე დაბრუნდეს, შემდეგ კი საკუთარი საუკეთესო მხარე გვაჩვენოს".

წყარო:Thesun.co.uk