მანჩესტერ იუნაიტედის ყოფილი და აწ უკვე ჩემპიონშიპის გუნდის ბრაიტონის მეკარე ტომაშ კუშაკი აცხადებს, რომ უკმაყოფილოა იუნაიტედის მისდამი დამოკიდებულებით. მისი თქმით იუნაიტედმა მას. კარიერის მნიშვნელოვანი წლები დააკარგინა:"ბოლო 2 წლის განმავლობაში ბევრჯერ დავაპირე წასვლა და შემოთავაზებებიც იყო სხვადასვა კლუბებიდან. მე ვთხოვდი ხელმძღვანელობას, რომ მოეცათ სათამაშო დრო ან გავეშვით სვა კლუბში. ისინი თანახმა იყვნენ ჩემს გაშვებაზე თუ კლუბი მიიღებდა 5 მილიონს. ჩემი აზრით, ეს ძალიან უაზრო გადაწყვეტილება იყო, რადგან შეი გივენი სიტიდან ასტონ ვილაში 2 მილიონად გადავიდა, მე კი 5 მილიონი დამაფასეს. ეს საფასური მიუღებელი იყო. 3 წლის განმავლობაში ვცდილობდი კლუბის დატოვებას, მაგრამ სერ ალექსი მეუბნებოდა, რომ მე მას ვჭირდებოდი. ის ჩემზე არ ფიქრობდა, მხოლოდ თავისი გუნდი აინტერესებდა. ფასი 4 მილიონამდე დაწიეს მაგრამ მაინც მიუღებელი იყო. ჩემით ინტერესდებოდნენ რუსული და თურქული კლუბები, მაგრამ წასვლის საშუალება არ მომეცა. სამწუხაროდ ყველა მოლაპარაკებები ჩაიშალა, რადგან კლუბს თავისი ინტერესები ჰქონდა. მას შემდეგ რაც მეორე გოგო შემეძინა გადავწყვტე დარჩენა და კარგია, რომ სხვა კლუბში შევძელი გადასვლა.

მოგეხსენებათ, კუშაკი ამ წლის 19 ივნის საბოლოოდ გადავიდა მანჩესტერ იუნაიტედიდან ჩემპიონშიპში. ის ბრაიტონის შემადგენლობაში ირიცხება. ამჟამად მას კლუბთან ორწლიანი კონტრაქტი აკავშირებს. ის დარწმუნებულია, რომ თავის ამჟამინდელ კლუბს წარმატებას მოუტანს.

წყარო:TheRepublikOfMancunia