"მანჩესტერ იუნაიტედი" ხვალ "არსენალს" დაუპირისპირდება. "ეშმაკუნები" კიდევ ერთხელ გაისეირნებენ ლონდონში. ხვალინდელი გამარჯვების შემთხვევაში "იუნაიტედი" ოთხეულში დარჩება. პოლ მერსონის აზრით, "იუნაიტედი" ლონდონიდან მხოლოდ ერთი ქულის წამოღებას მოახერხებს: "ეს დიდი თამაშია. ორივე გუნდს ძალიან უნდა ოთხეულში მოხვედრა, მაგრამ თან ევროპულ ჩემპიონატებზეც კარგად უნდა წარდგნენ. ვფიქრობ, რომ გოლს ორივე გუნდი გაიტანს. "არსენალი" დიდი თავდაჯერებით წარდგება მეტოქის წინაშე. მათ "ტოტენჰემის" წინააღმდეგ არ გაუმართლათ, წესით უნდა მოეგოთ კიდეც თამაში.
და "იუნაიტედი" - როგორი შედეგი გვაქვს პსჟ-ს წინააღმდეგ! ეს უბრალოდ არარეალური და დაუჯერებელია. ვფიქრობ, რომ ისინი საოცრად წარდგნენ ოთხშაბათს და ყველას დაუმტკიცეს, რომ თუ არასდროს დანებდები ყველაფერი შესაძლებელია. ვფიქრობ, რომ მწრთვნელს ძალია გაუმართლა, რადგან ბაიი პირველი ოცი წუთი მარჯვენა მცველად არ უნდა ეთამაშებინა. შემდგომ კი ცვლილება განახორციელა და ყველაფერი უკეთ წავიდა. ეს ფენომენალური შედეგი იყო, განსაკუთრებით იმ შემადგენლობის გათვალისწინებით, რაც მათ ჰყვდათ.
არ ვფიქრობ, რომ ეს მატჩი "ჩელსისთვის" ოთხეულის ბედს გადაწყვეტს, მაგრამ ყველაფერი მათ ხელშია. ვფიქრობ, რომ ორივე გუნდი ბოლომდე იბრძოლებს და გოლები გავა." პოლ მერსონის პროგნოზი: "არსენალი" 2-2 "მანჩესტერ იუნაიტედი".