როგორც მოსალოდნელი იყო, ფრანგების კარში დანიშნულ თერთმეტმეტრიანს დიდი გამოხმაურება მოჰყვა. სლოვენიელმა არბიტრმა, მატჩის მიწურულს "იუნაიტედის" სასარგებლოდ პენალტი დანიშნა, ამაში კი მატჩის მთავარ არბიტრს, საფეხბურთო სამყაროში ახალი დანერგილი Var - ის სისტემა დაეხმარა.
ჟურნალისტებისთვის მიცემულ ინტერვიუში, "მანჩესტერ იუნაიტედის" ყოფილმა მწვრთნელმა ჟოზე მოურინიომ აღნიშნული მომენტი შეაფასა და განაცხადა, რომ Var - ის სისტემა, მატჩის მთავარ არბიტრს სწორი გადაწყვეტილების მიღებაში ძალიან დაეხმრა.
"ვფიქრობ, რომ თერთმეტმეტრიანი სამართლიანად დაინიშნა. ვიდეოგამეორების გარეშე მსაჯს შეიძლება რადიკალურად გნსხვავებული გადაწყვეტილება მიეღო, თუმცა Var - მა მას კარგი დახმარება გაუწია.
მიმდინარე წელს, უეფამ ძალიან მნიშვნელოვანი გადაწყვეტილება მიიღო ვიდეოგამეორებების სისტემის დანერგვით. ამ პროცესში ბევრი ადამიანი იღებდა მონაწილეობას, მათ შორის ალექსანდრ ჩეფერინი და რობერტო როზეტიც.
აქამდე არბიტრებს სიტუაციები მხოლოდ საკუთარი გადაწყვეტილებებით უნდა გაერკვიათ, თუმცა ახლა მათ გვერდით მაღალი ტექნოლოგიური მხარდაჭერაცაა.
ვფიქრობ, რომ თერთმეტმეტრიანის დანიშვნამდე, მსაჯებმა ყველა წვრილმანი დეტალურად განიხილეს და გადაწყვეტილებაც შესაბამისად იქნა მიღებული". - განაცხადა დასასრულს პორტუგალიელმა.