ნეიმარმა ლიგიდან გამოთიშვის შემდეგ მსაჯების მიმართ უკმაყოფილება ინსტაგრამზე ღიად დააფიქსირა, მეტიც, ზოგი წყაროს მიხედვით სიბრაზისგან მან პარიზელთა გასახდელში ყველაფერი დაამტვრია და იგინებოდა კიდეც.
ბრაზილიელ სუპერვარსკვლავს ტრავმის გამო ორივე თამაშის გამოტოვება მოუწია, თუმცა იმედოვნებდა, რომ ის მეოთხედფინალში თამაშს შეძლებდა, თუმცა ეს იმედები მარკუს რეშფორდმა დაუმსხვრია, როცა ბოლო წუთზე პენალტით "იუნაიტედი" ორბურთიანი სხვაობით გაიყვანა წინ.
"პსჟ" რეფერის გადაწყვეტილებით გაღიზიანებული დარჩა, მაგრამ ნეიმარის ინსტაგრამ-პოსტმა უბრალო უკმაყოფილებას ბევრად გადააჭარბა: "ეს უდიდესი უსამართლობაა, მათ ოთხი კაცი ჰყავთ Var-ის ოთახში დასმული რომლებმაც ფეხბურთზე არაფერი იციან. ეს პენალტი რანაირად იყო, მას ხომ ბურთი ხელზე ზურგიდან მოხვდა. წადით, თქვენს თავს შეე*ით".
ტომას ტუხელმა პარიზელთა ლიდერი პრეს-კონფერენციაზე დაიცვა, როცა ნეიმარის პოსტი წაკითხულ იქნა: "რა თქმა უნდა, ძლიერი რეაქცია ჰქონდა, ის ხომ სტადიონზე იყო. მას იმედი ჰქონდა, რომ შემდეგ ეტაპზე ითამაშებდა, ამიტომ იმედგაცრუება ცხელ გულზე ზედმეტად გამოხატა, ამიტომ მას მკაცრად ნუ განსჯით".