"წითლების" ბელგიელმა ფორვარდმა რომელუ ლუკაკუმ, შესაძლოა ზაფხულში სამუშაო ადგილი შეიცვალოს. მისით "ოლდ ტრაფორდზე" უკმაყოფილონი არიან. სოლსკიაერის მოსვლის შემდეგ, შეტევაში ადგილი მარკუს რეშფორდმა დაიკავა, რომელიც თავის მხრივ ცუდ შთაბეჭდილებას ნამდვილად არ ტოვებს.

კლუბის ცხრიანი თავის შანსებს იღებს, მაგრამ სტატისტიკურად, აქტივის შევსებას ვერ ახერხებს და თითქოს მან შეტევაში ეფექტურობაც დაკარგა. ეფექტურობა რომელიც გუნდს ამ ეტაპზე ყველაზე მეტად სჭირდება.

"იუნაიტედი" მისი შემცვლელების ვინაობაზე ფიქრს აქედანვე იწყებს. Daily Mirror - ზე დაყრდნობით თუ ვისაუბრებთ, 25 - წლის ფორვარდის ალტერნატიულ შემცვლელად, "ინტერის" შემტევი მაურო იკარდი სახელდება. "წითლებს" პაულო დიბალაც სურთ.

Transfermarkt - "ნერაძურის" ფეხბურთელს 100 - მილიონ ევროდ აფასებს, ხოლო "ბებერი ქალბატონის" შემტევის ფასი 110 მილიონს შეადგენს.