"მანჩესტერ იუნაიტედმა" ოფიციალურ საიტზე განცხადება გამოაქვეყნა. მარუან ფელაინიმ კლუბი დატოვა.
ბელგიელი "ოლდ ტრაფორდზე" 2013 წლის აგვისტოში გადავიდა. მას შემდეგ 177 მატჩი ჩაატარა და, საბოლოოდ, "იუნაიტედში" ხუთნახევარი სეზონი ითამაშა.
ამ დროის მანძილზე ფელაინიმ 22 გოლი გაიტანა და ოთხი ტიტული მოიგო - ინგლისის თასი, ქომუნითი შილდის თასი, ლიგის თასი და ევროპის ლიგა.
"მანჩესტერ იუნაიტედი" მადლობას უხდის მარუანს მისი სამსახურისთვის და მომავალში წარმატებებს უსურვებს. ბელგიელი ჩინეთში, კერძოდ, "შენდონგ ლუნენგში" გადავიდა.