ოლე გუნარ სოლსკიაერის მოსვლის შემდეგ "იუნაიტედისთვის" წარმატებული პერიოდი დაიწყო. ფილ ჯონსის განცხადებით, ყოფილმა ფორვარდმა გუნდში სიახლე და შემართება მიიტანა.
"მან "ოლდ ტრაფორდზე" ახალი ძალა მოიტანა. მხოლოდ ერთი მიზნით მოვიდა - ძველი კარგი და ბედნიერი დროის უკან დასაბრუნებლად. ვფიქრობ, რომ ეს მოახერხა კიდეც."
"მისი მიდგომები უბრალოდ გასაოცარია. მე, როგორც ფეხბურთელს, აბსოლუტურად ყველაფერი მომცა, რაც მჭირდებოდა. ის ყველაფერს გულწრფელად და პირდაპირ გვეუბნება, რაც აუცილებელია."
"ერთი შეხედვით, ყველაფერი კარგად მიდის, თუმცა ჯერ კიდევ არაფრისთვის არ მიგვიღწევია. შეიძლება კარგი სტარტი ავიღეთ და ყველა ჩვენზე საუბრობს, მაგრამ ეს ჩვენთვის არაფერს ნიშნავს."
"ჩვენ ოთხეულს მიღმა ვართ, რაც, რა თქმა უნდა, ჩვენი ჩვეული პოზიცია არ არის. ჩვენ აუცილებლად უნდა გავიდეთ ლიგაზე."
"თუ წლის ბოლოს ამ ყველაფერს მოვახერხებთ, ეს ძალიან კარგი იქნება, მაგრამ მაინც ვერ ვიტყვი რომ წარმატებული წელი გვქონდა. უბრალოდ იმას ვიტყვი, რომ ჩვენ ჩვენი შესაძლებლობების მაქსიმუმი გავაკეთეთ ამ მოცემული მომენტისთვის."
26 წლის მცველი "იუნაიტედში" "ბლექბარნიდან" გადავიდა რვა წლის წინ. ჯონსმა თავის ამჟამინდელ მდგომარეობაზე ისაუბრა.
"მე უკვე დიდი ხანია დალაგებული ვარ. იმ წუთიდანვე როგორც კი აქ ფეხი შემოვდგი საოცრად ვიგრძენი თავი, ძალიან კარგი დახვედრა მომიწყვეს. აქ ყოფნა ძალიან მსიამოვნებს და ვისურვებდი, რომ ეს რაც შეიძლება დიდხანს გაგრძელდეს."
"ძალიან მინდა დარჩენა, ეს ხომ "მანჩესტერ იუნაიტედია". ეს კლუბი უკვე ძალიან დიდი ხანია, რაც ჩემი ცხოვრების ნაწილი გახდა. მე ძალიან მიყვარს კლუბიც, გულშემატკივრებიც, ფეხბურთელებიც."
"ვნახოთ, რა მოხდება. ეს ჩემი გადასაწყვეტი არ არის."