"მანჩესტერ იუნაიტედმა" თავის ოფიციალურ საიტზე განცხადება გამოაქვეყნა - ენტონი მარსიალმა ახალ კონტრაქტს მოაწერა ხელი. ახალი ხელშეკრულების მიხედვით, ის კლუბში 2024 წლის ივნისამდე დარჩება. კონტრაქტი მისი გახანგრძლივების ერთწლიან შესაძლებლობასაც მოიცავს.

23 წლის ფორვარდმა "მანჩესტერ იუნაიტედის" მაისურით 162 მატჩი ჩაატარა და 46 გოლი გაიტანა. მისი დებიუტი კლუბში 2015 წლის სექტემბერში შედგა "ლივერპულის" წინააღმდეგ.

"მე ძალიან მიყვარს ეს კლუბი. აქ გადმოსვლის დღიდანვე "იუნაიტედის" ოჯახის წევრად ვგრძნობდი თავს. გულშემატკივრებისგან საოცარი გვერდში დგომა და სიყვარული ვიგრძენი, ისინი ყოველთვის ბრწყინვალენი იყვნენ, არიან და დარწმუნებული ვარ, რომ მომავალშიც იქნებიან."

"ძალიან მინდა, რომ ოლესა და მთლიან სამწრთვნელო შტაბს მადლობა გადავუხადო ჩემთვის გამოცხადებული ნდობისთვის. მათ უფლება მომცეს, რომ ჩემი კარიერა "ოლდ ტრაფორდზე" გავაგრძელო. ამ კლუბის მთელი ისტორია ტიტულების მოგებაა და დარწმუნებული ვარ, რომ შემდეგი ტიტული ჩვენთან ძალიან ახლოს არის," - განაცხადა ენტონი მარსიალმა.

"ენტონი ბუნებრივი ნიჭით დაჯილდოებული ისეთი ფეხბურთელია, რომელთან მუშაობაც ყველა მწრთვნელს ესიამოვნება. ის ძალიან ახალგაზრდაა და მიუხედავად ამისა, მას ძალიან კარგი ტვინი აქვს და ძალიან კარგად აზროვნებს. ამას გარდა, იშვიათი ტალანტის მფლობელია და ამ ყველაფრიდან გამომდინარე, ვფიქრობ, რომ მას საოცარი მომავალი ელის წინ. ენტონისთვის "იუნაიტედი" შესანიშნავი კლუბია და დარწმუნებული ვარ, რომ ის ძალიან მალე უმაღლესი კლასის ფორვარდი გახდება. ყველას ძალიან გვიხარია, რომ მან გრძელვადიან კონტრაქტს მოაწერა ხელი," - განაცხადა ოლე გუნარმა.


წყარო: ManUtd.com