დღეს "ინგლისის თასის" მეხუთე რაუნდი გაიმართება. "რედინგთან" მოგებული მატჩის შემდეგ "იუნაიტედს" "ემირეითზე" უწევს სტუმრობა. "ინგლისის თასის" ცენტრალური მატჩი სწორედ ეს იქნება. შეგახსენებთ, რომ "არსენალი" და "იუნატედი" აღნიშნული ჩემპიონატის ყველაზე ტიტულოვანი გუნდები არიან. "მეთოფეებს" თასი ცამეტჯერ აქვთ მოგებული, "ეშმაკუნებს" კი თორმეტჯერ.

ოლე გუნარმა პირველი შვიდი მატჩიდან შვიდივე მოიგო. ყველაზე მნიშვნელოვანი მატჩი მან მაინც "ტოტენჰემის" წინააღმდეგ გამართა, სადაც ოლეს "იუნაიტედმა" პირველი ნამდვილი გამოცდა ჩააბარა. ეს მატჩი ამ მხრივაც ძალიან საინტერესოა.

მატჩის შესახებ ისაუბრა "SkySport"-ის სპორტულმა ჟურნალისტმა, პოლ მერსონმა:

"შესანიშნავი მატჩი გველის წინ!

ეს ორივე გუნდისთვის ძალიან დაძაბული და მნიშვნელოვანი მატჩია. ორივეს სჭირდება გამარჯვება და ორივე ბოლომდე იბრძოლებს. სავარაუდოდ, არცერთი გუნდი არ დანებდება და ამ მატჩს ახალი ფეხბურთელების გამოსაცდელად და ძირითადი შემადგენლობის დასასვენებლად არ გამოიყენებს. ძალიან დამაბნეველი იქნება, თუ ასე იზამენ. დაცვაში ორივე გუნდს უჭირს, თუმცა შეტევაში ორივე ბრწყინავს. ვფიქრობ, სასწორი მაინც "იუნაიტედის" მხარესაა და ანგარიში 2-3 იქნება, "იუნაიტედის" სასარგებლოდ."

გულშემატკივარი გახსნილ, ნამდვილ ინგლისურ ფეხბურთს იხილავს. თქვენი აზრით, რა ანგარიშით დასრულდება მატჩი?


წყარო: SkySports