"მანჩესტერ იუნაიტედი" აღმასრულებელი დირექტორის პოზიციისთვის შესაფერის კანდიდატურას ეძებს. როგორც პრესაში იწერება, ხელმძღვანელობა ედვინ ვან დერ სარით არის დაინტერესებული.
შეგახსენებთ, რომ "მფრინავი ჰოლანდიელი" "იუნაიტედის" ღირსებას ექვსი წლის განმავლობაში იცავდა - 2005-2011 წლებში.
ამჟამად, ყოფილი "წითელი ეშმაკი" "აიაქსის" აღმასრულებელი დირექტორია, ეს პოზიცია ჰოლანდიელის 2016 წლის შემდეგ უკავია. მანამდე კი, 2012 წლიდან მარკეტინგს ხელმძღვანელობდა.
ამ ყველაფრიდან გამომდინარე კი "იუნაიტედი" მიიჩნევს, რომ ვან დერ სარი იდეალური ვარიანტი იქნება, თუმცა 48 წლის ჰოლანდიელის გადმოსაბირებლად "იუნაიტედს" დიდი შრომის გაწევა მოუწევს.
"იუნაიტედს" არჩევანის გასაკეთებლად დიდი დრო არ დარჩა, რადგან ხელმძღვანელობას ახალი დირექტორის მოყვანა სეზონის ბოლომდე სურს, მანამ სანამ ახალ მუდმივ მწრთვნელს დანიშნავს. როგორც პრესაში იწერება, ხელმძღვანელობის ნომერ პირველ არჩევნად მწრთვნელის პოზიციაზე ისევ მაურისიო პოჩეტინო რჩება, თუმცა სერ ალექს ფერგიუსონს სოლსკიაერის დატოვება სურს.