ჟოზე მოურინიოს კლუბიდან წასვლის შემდეგ, გუნდი სერ ალექს ფერგიუსონის ყოფილმა შეგირდმა ოლე გუნარ სოლსკიაერმა ჩაიბარა.
ახალი ძალა, ახალი მოტივაცია, ფებურთელების სტატისტიკის მკვეთრად გაუმჯობესება და ზედიზედ 7 - მოგებული მატჩი - ეს ყველაფერი სოლსკიაერის ეფექტს მარტივად შეგვიძლია მივაწეროთ.
შესანიშნავ ფორმაშია გუნდის ინგლისელი ვარსკვლავი მარკუს რეშფორდი, რომელიც ოლეს მოსვლის შემდეგ, თითოეულ მატჩს კარგი ხასიათითა და გატანილი გოლებით ხვდება.
სულ ცოტა ხნის წინ რეშფორდმა კლუბის მაისურით კარიერაში 150-ე ოფიციალური მატჩი ჩაატარა.
საინტერესო სტატისტიკას ავრცელებს ბრიტანული პრესა კერძოდ, ჩატარებულ 150-მატჩში რეშფორდმა მეტოქეთა კარი 41-ჯერ დაამწუხრა, ამ მაჩვენებლით მან კლუბის ისტორიაში ერთ - ერთ საუკეთესო ფეხბურთელს, კრიშტიანუ რონალდუს გადაასწრო, რომელმაც აღნინული რაოდენობის თამაშებში 31-ჯერ გაიტანა.