სერ ალექსმა აღიარა, რომ ის დრო როდესაც ნემანია ვიდიჩი და რიო ფერდინანდი ყოველ კვირას ძირითად შემადგენლობაში ხვდებოდნენ უკვე გავიდა. მიუხედავად ამისა სერ ალექსი არ აპირებს უარი თქვას ამ ორ მცველზე. ინგლისელმა მცველმა მონაწილეობა არ მიიღო "ევერტონთან" მატჩში, ხოლო სერბი კი "რეალთან" მატჩში სათადარიგო სკამზეც ვერ მოხვდა. სერ ალექსმა განაცხადა, რომ ვეტერანებს არ ექნებათ დატვირთული გრაფიკი. "როდესაც გადაწყვეტილებას ვღებულობდი ეჭვი მეპარებოდა. ნემანიამ "ევერტონთან" ბრწყინვალე მატჩი ჩაატარა, თუმცა ამაზე გაჩერება ვარჩიე და ვიდიჩი "რეალთან" არ ვათამაშე. 3 დღე გამოჯამრთელებისათვის დიდი რისკია. ასეთ სიტუაციაში რიო, რომ მოხვედრილიყო იგივეს გავაკეთებდი. რიოს კვირას, რომ ეთამაშა, ოთხშაბათს "რეალთან" არ ვათამაშებდი. - ციტირებს სერ ალექსს skysports.com. სერ ალექსმა აღნიშნა ჯონი ევანსის პროგრესიც, რომელიც უფრო და უფრო იგრძნობა. "ჯონი ღირსეულად თამაშობს ძირითად შემადგენლობაში და ახლა ის ბრწყინვალე ფორმაშია. საქმე იმაშია, რომ აუცილებელია იცოდე მიდის თუ არა ახალგაზრდა ფეხბურთელი სწორი მიმართულებით. ცენტრალურ მცველებთან ამის დანახვა უფრო ადვილია. ვფიქრობ, ჯონი მშვენიერ სტაბილურობას აჩვენებს." - დაასრულა სერ ალექსმა.