ჟოზე მოურინიოს განცხადებით, "მანჩესტერ იუნაიტედით" "პრემიერ ლიგაში" მეორე ადგილზე გასვლა მის კარიერაში ერთ-ერთი უდიდესი მიღწევაა.
"იუნაიტედმა" ოლე გუნარ სოლსკიაერის მოსვლის შემდეგ იდეალური სტარტი აიღო. მათ პირველი ექვსი მატჩიდან ექვსივეს მოგება შეძლეს. თუმცა მოურინიომ თავისი თავი დაიცვა:
"ხანდახან ჩვენ მხოლოდ იმას ვხედავთ, რაც ჩვენ წინაა, თუმცა არასდროს ვიცით, თუ რა ხდება სცენის მიღმა. მაგრამ მინდა, გახსოვდეთ, რომ კულისებში დატრიალებული ამბავი სცენაზე მიმდინარე მოვლენებზე დიდ გავლენას ახდენს."
"ვფიქრობ, ეს ჩვეულებრივი მომენტია. მაგალითად, თუ მე გეტყვით, რომ პირადად ჩემთვის, ჩემი კარიერის ერთ-ერთი ყველაზე დიდი მიღწევა "მანჩესტერ იუნაიტედით" მეორე ადგილზე გასვლა იყო, რას მიპასუხებთ?"
"თქვენ იტყვით, რომ მე შეშლილი ვარ, რომ მე 25 ტიტული მოვიგე და ახლა მეორე ადგილზე გასვლა ჩემს ერთ-ერთ ყველაზე დიდ მიღწევად მიმაჩნია."
"ამას იმიტომ ვამბობ, რომ ხალხმა არ იცის რა ხდება სცენის მიღმა. ჩვენ, სცენის უკან მდგომნი, სულ სხვანაირად ვუყურებთ ყველაფერს."
მოურინიო ძალიან ხშირად კრიტიკის მსხვერპლი ხდებოდა მისი დაცვითი ტაქტიკის გამო.
"ძალიან მარტივია, რომ კარგად ითამაშო და ვერ მოიგო. ძალიან მარტივია შედეგების გარეშე რაღაც ტაქტიკას მიჰყვე."
"ხოლო ხალხი, რომელიც მუდმივად იგებს სულ სხვა იდეით თამაშობს. შეიძლება მოიგო, შემდეგ გააქრო ეს იდეა და ასე მუდმივად."
"თუ ისაუბრებთ გვარდიოლაზე, ანჩელოტიზე, დაგეთანხმებით, რომ ისინი მუდმივად იგებენ. მაგრამ მე ვერ ვხედავ ახალგაზრდა ძალას, რომელიც რაიმე ფილოსოფიით იგებს და ფეხბურთზე ზეგავლენის მოხდენა შეუძლია," - დაასრულა მოურინიომ.