"მანჩესტერ იუნაიტედს" ფილიპ კოუტინიოს შესაძენად 88 მილიონი ფუნტის დახარჯვა მოუწევს. შეგახსენებთ, რომ კოუტინიო "ბარსელონაში" "ლივერპულიდან" გადავიდა, ხოლო ახლა მისით "იუნაიტედი" ინტერესდება.

"იუნაიტედს" კოუტინიოს შეძენა ძალიან გაუჭირდება. მართალია, ესპანელებმა მისთვის თანხა უკვე დააწესეს, თუმცა მათ ბრაზილიელი ნახევარმცველის გაყიდვა ახლა არ სურს. "ბარსელონას" ხელმძღვანელობას სჯერა, რომ კოუტინიო გუნდისთვის დიდ როლს ასრულებს და, შესაბამისად, მისი გაშვება ამ ეტაპზე არაგონივრული იქნება.

პრესაში ბევრი რამ იწერება. ჟურნალისტები განსაკუთრებით დაბნეული არიან "იუნაიტედის" სატრანსფერო პოლიტიკით. ზოგიერთი მათგანი მიიჩნევს, რომ ახლა "წითლები" კოუტინიოში ამხელა თანხას არ გადაიხდიან, რადგან "ეშმაკების" მთავარ სამიზნეს კარგი ცენტრალური მცველი წარმოადგენს. დაცვის ხაზის გაძლიერების შემდეგ კი უკვე შეუძლიათ იფიქრონ შეტევის გაძლიერებაზეც.

რაც შეეხება სხვა სატრანსფერო ჭორებს, "იუნაიტედი" "ტრომსოს" ახალგაზრდით, ისაკ ჰანსენ-ააროენით ინტერესდება. 14 წლის ფეხბურთელის შეძენა "ლივერპულსა" და "ევერტონსაც" სურთ. თუმცა "იუნაიტედი" ფავორიტად რჩება.


M.E.N.