ოთხშაბათს დილას "იუნაიტედის" ფეხბურთელებმა "ბრაიტონთან" გასამართი მატჩისთვის მოსამზადებელი ვარჯიშები ჩაატარეს.

სავარჯიშო სესიებს დაესწრო ყოფილი "იუნაიტედის" ფორვარდი, გიუსეფ როსიც. შეგახსენებთ, რომ იტალიელი ფორვარდი ამჟამად კლუბის გარეშეა. ოლემ ფეხბურთელის შესახებ "ტოტენჰემთან" მატჩის შემდეგ ისაუბრა:

"სავარაუდოდ, გიუსეფთან ახალ კონტრაქტს არ გავაფორმებთ, მაგრამ ის ჩვენთან კარგად ვარჯიშობს. ის სწრაფი და მოხერხებულია. ალბათ, ის ჩვენთან კიდევ ერთი კვირა დარჩება, მანამ სანამ სხვა კლუბი არ წაიყვანს."

"გუშინ ვარჯიშებზე ფანტასტიკური გოლი გაიტანა. სერ ალექსი მობრუნდა და იკითხა: "რას იტყვით ამ ბიჭზე?"

"ჩვენ მას ვეხმარებით, რათა ფორმაში დარჩეს სანამ შემდეგ ეტაპზე გადავა. თუ ვინმეს სურს მისი შეძენა უნდა იჩქაროს, ის ძალიან კარგი ბიჭია!"

შეგახსენებთ, რომ იტალიელმა სერ ალექს ფერგიუსონის მეთვალყურეობის ქვეშ ითამაშა. თუმცა მან მხოლოდ 14 მატჩი ჩაატარა "წითლების" მაისურით. ამჟამად როსით "სტოკ სიტი" ინტერესდება, თუმცა ჯონათან ვოლტერის განცხადებით, ისინი იანვრის ფანჯარაზე ტრანსფერების გაკეთებას მაინც ერიდებიან.

როსი "იუნაიტედში" ახალი მსურველის გამოჩენამდე დარჩება.


წყარო:M.E.N.