"მანჩესტერ იუნაიტედი" "ტოტენჰემთან" 3-0 ანგარიშით დამარცხდა. ეს თამაში კვლავ პოგბას გონებაში ტრიალებს და ფრანგს მეტ მოტივაციას აძლევს "უემბლიზე" სტუმრობის წინ. მისი აზრით, ამ საშინელი მოგონების გონებიდან ამოშლა მხოლოდ "უემბლის" სტადიონზე ჩატარებულკარგ მატჩს შეუძლია.

თვის საუკეთესო ფეხბურთელი საოცარ ფორმაშია, თუმცა მცირედი ტრავმის გამო მას "რედინგთან" ჩატარებული მატჩის გამოტოვება მოუწია. აღნიშნული ტრავმის გამო ფრანგი დუბაიში დაგვიანებით ჩაფრინდა. თუმცა ახლა სავსებით მზად არის და მოუთმენლად ელის მატჩს.

"მახსოვს პირველი მატჩი მათთან. საკუთარ სტადიონზე 3-0 წავაგეთ. ეს ყველაფერი ისევ ჩემს გონებაში ტრიალებს. არ მინდა რომ იგივე ოდესმე კიდევ განმეორდეს."

"ეს ტოტენჰემია და მათ ძალიან კარგი შემადგენლობა ჰყავთ. შესაბამისად, ლიგაში ოთხეულშიც იკავებენ ადგილს. აქედან გამომდინარე, გულშემტკივარს საოცარი სანახაობა ელის წინ. სანახაობრივად ლამაზი, მაგრამ ჩვენთვის რთული მატჩი იქნება. ორივე კლუბს ქულები სჭირდება. ყველამ ვიცით, რომ ეს მარტივი არ იქნება, მაგრამ ვნახოთ რა როგორ მოხდება."

პოგბას განცხადებით, "წითლებს" ჯერ კიდევ შეუძლიათ ოთხეულისთვის ბრძოლა:

"ჩვენ ჯერ კიდევ შორს ვართ, მაგრამ კარგია, რომ ხალხმა ჩვენი წარუმატებლობა ცოტათი დაივიწყა. ჩვენ უბრალოდ ჩვენს გზას მივყვებით, ვცდილობთ, უმაღლეს დონეზე შევასრულოთ ჩვენი საქმე და რაც შეიძლება მეტი მატჩი მოვიგოთ. ესაა და ეს."


წყარო: ManUtd.com