ოლე გუნარ სოლსკიაერმა განაცხადა, რომ პოგბა "ტოტენჰემთან" გასამართი მატჩისთვის, სავარაუდოდ, მზად იქნება.
სოლსკიაერმა დუბაიდან დაბრუნების შემდეგ ჟურნალისტებს მცირე ინტერვიუ მისცა.
როგორც მოგეხსენებათ, პოგბამ "ნიუკასლთან" გამართულ მატჩში მცირედი ტრავმა აიკიდა. შესაბამისად, ვერც "რედინგის" წინააღმდეგ მოახერხა თამაში და მას შემდეგ გამოჯანმრთელებას ცდილობს.
"პოგბა ვარჯიშების ბოლოს კარგად გამოიყურებოდა, შესაბამისად, ის მზად იქნება."
"მას ჰქონდა რამდენიმე პრობლემა, მაგრამ ბოლო რამდენიმე ვარჯიში ჩაატარა, ასე რომ "ტოტენჰემისთვის" კარგად უნდა იყოს."
"იუნაიტედმა" სოლსკიაერის მოსვლის შემდეგ საოცარი შედეგი აჩვენა. პოგბამ თითოეულ მატჩში გადამწყვეტილი როლი იქონია და, შესაბამისად, თვის საუკეთესო ფეხბურთელიც გახდა. ფრანგის ანგარიშზე ოთხი გოლია.
მენეჯერმა პრესას სიახლეები მარკოს როხოს შესახებაც მიაწოდა. შეგახსენებთ, რომ ცენტრალურ მცველს "ვალენსიასთან" გამრთული მატჩის შემდეგ აღარ უთამაშია.
"ის თავისი ტრავმის გამო ცოტა ხნით არგენტინაში იყო. დიდი ხანია, რაც წასულია. მისი ფსიქოლოგიისთვის აუცილებელია, რომ ვარჯიშებს მალე დაუბრუნდეს. ზუსტ დროს ვერ გეტყვით."