"ატლეტიკ ბილბაო" "მანჩესტერ იუნაიტედის" ნახევარმცველის, ანდერ ერერას, შეძენით არის დაინტერესებული. აღნიშნული ესპანური კლუბის სპორტულმა დირექტორმა, რაფაელ ალკორტამ, დაადასტურა.

ერერა "ოლდ ტრაფორდზე" "ატლეტიკიდან" 2014 წელს გადავიდა. აღნიშნული ტრანსფერი ლუის ვან გაალმა განახორციელა.

29 წლის ფეხბურთელმა "ევროპის ლიგის", "ინგლისის თასისა" და "ლიგის თასის" ტიტულები მოიგო. მისი კონტრაქტი ზაფხულში იწურება და, შესაძლოა, თავისუფალ აგენტად იქცეს და კლუბი ამგვარად დატოვოს.

"იუნაიტედმა" გასულ სეზონში ესპანელს კონტრაქტი ერთი წლით გაუხანგრძლივა და დიდი ხანია მასთან მოლაპარაკებებს აწარმოებს შემდეგი კონტრაქტის დასადებად, თუმცა პირველი იანვრიდან ერერა უკვე "ატლეტიკთან" განიხილავს დეტალებს.

"ატლეტიკი" ძალიან ცუდ სიტუაციაშია და ამჟამად მე-17 ადგილზე იმყოფება, რაც ნიშნავს იმას, რომ გუნდი პირველად არის "ლა ლიგიდან" გავარდნის საშიშროების წინაშე. ასე რომ ესპანელები ყველანაირად შეეცდებიან ერერას დაბრუნებას, რაც უკვე დაადასტურა "ატლეტიკის" სპორტულმა დირექტორმა.


წყარო: M.E.N.