ბელგიელს "ოლდ ტრაფორდზე" ეპატიჟებიან.
"მანჩესტერ იუნაიტედი" მადრიდის "ატლეტიკოს" ყოფილ ფეხბურთელს თავის რიგებში გადასვლას სთავაზობს.
მიუხედავად იმისა, რომ ჩინურ კლუბ "დალიან იიფანთან" ერთად კარგად ასპარეზობს, იანიკ ფერეირა კარასკოს ევროპაში დაბრუნება სურს.
ბელგიელი ფეხბურთელი ჩინეთის სუპერ ლიგის კლუბს გასულ წელს შეუერთდა 26 მლნ. ფუნტის სანაცვლოდ, რადგან "ატლეტიკოს" მწვრთნელ დიეგო სიმეონესთან უთანხმოება მოუვიდა.
მიუხედავად იმისა, რომ მაშინ კარასკოს შეძენით "იუნაიტედი" და "არსენალი" იყვნენ დაინტერესებული, მან ნიკოლას გაიტანთან ერთად ამჯობინა შორეულ აღმოსავლეთში თამაში.
ახალ კლუბში კი წარმატებით ასპარეზობს და თავისთვის სარეკორდო მაჩვენებლი დააფიქსირა ერთი სეზონის განმავლობაში - 7 გოლი და 9 საგოლე გადაცემა.
მაგრამ შემტევს სამარცხვინო მომენტიც აქვს მოსაგონებლად, რაც ვარჯიშზე თანაგუნდელ ჯინ პენქსიანისთვის ცხვირის გატეხვას და კომპენსაციის სახით 9 ათასი ფუნტის შეთავაზებას გულისხმობს.
25 წლის კარასკო ევროპაში დაბრუნებას გეგმავს და მისი შემტევი სტილი იდეალურად ერგება ოლე გუნარ სოლსკიაერის სქემას, მაგრამ "წითლებს" კონკურენციის გაწევა მოუწევს "მილანისთვის", თუმცა მეორე მხრივ, კარასკოს ყოფილი მწვრთნელი ლეონარდო ჟარდიმი "დალიანში" გადასვლას გეგმავს და შესაძლოა, ბელგიელი კლუბში დარჩენაში დაარწმუნოს.
წყარო:
the sun