მაიკ ფელანს მიაჩნია, რომ "დეზებთან" შეხვედრა "დიდი საფეხბურთო მატჩი" იქნება, სანამ ოლე გუნარ სოლსკიაერი თავისი უდიდესი გამოწვევისთვის ემზადება.
სოლსკიაერმა "ოლდ ტრაფორდზე" დაბრუნების შემდეგ შესანიშნავად დაიწყო ახალი ეტაპი თავის კარიერაში და დაამარცხა "კარდიფი", "ჰადერსფილდი", "ბორნმუთი", "ნიუკასლი" და "რედინგი", რის შედეგადაც გახდა "იუნაიტედის" პირველი მწვრთნელი, ვინც საწყისი 5 მატჩი მოიგო.
"იუნაიტედმა" ამ პერიოდში 16 გოლი გაიტანა და გულშემატკივარს შემტევი სტილის ფეხბურთით დაამახსოვრა თავი.
ახლა მთელი ყურადღება "უემბლიზეა" გადატანილი, სადაც "იუნაიტედი" თავის მეტოქეს დუბაიდან დაბრუნების შემდეგ ეწვევა.
შეძლებს "იუნაიტედი" იმავე შედეგების დაფიქსირებას?
"ამჟამად კარგ ფორმაში ვიმყოფებით. რასაც ვთხოვდით, ფეხბურთელებმა ყველაფერი გააკეთეს", განაცხადა ფელანმა "ნიუკასლთან" შუა კვირაში გამართული მატჩის შემდეგ.
"ჯერ კიდევ ბევრი რამ არის გასაუმჯობესებელი ჩვენს თამაშში. ახლა ეს არის მშვენიერების საკითხი. ჩატარებული მატჩების ანალიზს თუ გავაკეთებთ, ზოგჯერ შესანიშნავი ვიყავით შეტევაში და ოდნავ ცუდი დაცვაში.
ახლა ფეხბურთელებისთვის მონეტის ორივე მხარე ცნობილია და ამაზე მუშაობას ვაგრძელებთ, "ტოტენჰემთან" შეხვედრაში კი სწორედ ამაზე გავამახვილებთ ყურადღებას, ვინაიდან განსხვავებული გამოცდა გველის.
მაგრამ ეს ხომ "უემბლია" - "მანჩესტერ იუნაიტედის" ფეხბურთელებს უყვართ "უემბლი". ვფიქრობ, დიდებული საფეხბურთო მატჩი იქნება, "მანჩესტერ იუნაიტედი" უნდა გარდაისახოს და გააკეთოს ის, რისი გაკეთებაც შეგვიძლია და უფრო მეტიც კი".