"იუვენტუსის" ბოსი მაქს ალეგრი დაჟინებით აცხადებს, რომ იტალიაში ბედნიერია. პრესაში ბევრი იწერებოდა "იუნაიტედის" მომავალ მწრთვნელზე. ერთ-ერთ ვარიანტად კი ჟურნალისტები ალეგრის განიხილავდნენ.

იტალიელი "იუვენტუსს" 2014 წლიდან წრთვნის. ალეგრი გამოცდილი მწრთვნელია და მოურინიოს წასვლის შემდეგ "იუნაიტედისთვის" შესანიშნავი ვარიანტი იქნებოდა.

ალეგრიმ პარასკევს პრეს კონფერენცია გამართა, სადაც ჟურნალისტებმა ჰკითხეს შესაძლო იყო თუ არა მომავალში მისი ხილვა "ოლდ ტრაფორდზე", რაზეც იტალიელმა შემდეგი პასუხი გასცა:

"მე "იუვენტუსთან" კონტრაქტი მიდევს და აქ ძალიან ბედნიერად ვგრძნობ თავს. ჩვენ და გულშემატკივრები, ორივე ერთად, შესანიშნავ საქმეს ვაკეთებთ და ყველაფერი ძალიან კარგად მიდის."

"სეზონის დამთავრებამდე ბევრი თამაშ გვაქვს მოსაგები. ივნისამდე ჯერ კიდევ ბევრი დროა. იტალიური ფეხბურთი საოცარი სანახავია. მე ის არ მომბეზრებია და არც დავღლილვარ. მინდა, რომ დავრჩე და იტალიური ფეხბურთი გავაუმჯობესო."

"მე მომავალში ბევრი გეგმები მაქვს. მინდა რომ ახალგაზრდები ჩავრთო და ეს ყველაფერი გავაუმჯობესო," - დაასრულა ალეგრიმ.


წყარო: M.E.N.