ტურინის "იუვენტუსის" ბრაზილიელმა შემტევმა ნახევარმცველმა დუგლას კოშტამ კარიერია შესაძლოა "ოლდ ტრაფორდზე" გააგრძელოს. - იუწყება Rai Sport.
ზემოაღნიშნული წყაროს მტკიცებით, "წითელმა ეშმაკებმა" ტურინულ გრანდს შეთავაზება უკვე გაუკეთეს. სოლსკიაერის გუნდი მარჯვენა ვინგერის ძიებაშია, რომელიც შეტევებს მკვეთრად გააძლიერებს აღნიშნული ფლანგიდან.
ცნობილია სატრანსფერო თანხაც რომელიც გლეიზერების გუნდმა "ბებერ ქალბატონს" შესთავაზა - 60 მილიონი ევრო, ეს ის თანხაა რომელიც თანხმობის შემთხვევაში იტალიური კლუბის ანგარიშზე ჩაირიცხება კოშტას სანაცვლოდ.
მიმდინარე სეზონში დუგლასმა ტურინელთა რიგებში საერთო ჯამში 16 შეხვედრა ჩაატარა, საკუთარ აქტივს კი მხოლოდ ორი საგოლე გადაცემა შესძინა. ბრაზილიელს იტალიურ გრანდთან, მიმდინარე კონტრაქტი 2022 წლამდე აკავშირებს.