როგორც გულშემატკივრისათვის ცნობილია, ოლე გუნარი "მანჩესტერ იუნაიტედს" სეზონის ბოლომდე წარუძღვება. სოლსკიაერი მანჩესტერში უკვე ჩავიდა, თუმცა ფეხბურთელებს ჯერ არ შეხვედრია. ის მარკ ფელანთან ერთად ფეხბურთელების წინაშე ხუთშაბათს ვარჯიშის წინ წარდგება.
სოლსკიაერი მოურინიოს პოზიციაზე პორტუგალიელის გათავისუფლებიდან 24 საათში დაინიშნა. როგორც მოგეხსენებათ, ოლე გუნარი "მოლდეს" წრთვნიდა, თუმცა ნორვეგიელებმა "იუნაიტედს" თავისი ლეგენდა ცოტა ხნით "ათხოვეს".
"მანჩესტერ იუნაიტედი ყოველთვის ჩემს გულში იყო. ბრწყინვალე შეგრძნებაა ამ როლში ჩემი აქ დაბრუნება. ერთი სული მაქვს როდის დავიწყებ მუშაობას ამ შესანიშნავ ფეხბურთელებთან, სამწრთვნელო შტაბსა და დანარჩენ ყველასთან, ვინც "იუნაიტედშია",- განაცხადა სოლსკიაერმა.
ჟურნალისტები სოლსკიაერის პირველ პრესკონფერენციას პარსკევს ელოდებიან, მანამ სანამ "იუნაიტედი" "კარდიფთან" შესახვედრად გაფრინდება. შეგახსენებთ, რომ "წითლები" მოურინიოს შემდეგ პირველ მატჩს ამ შაბათს ჩაატარებენ.
სერ ალექს ფერგიუსონმა სოლსკიაერი "მოლდედან" 1,5 მილიონ ფუნტად იყიდა 1996 წელს. ოლე გუნარმა "იუნაიტედის" მაისურით 366 მატჩი ჩაატარა და 126 გოლი გაიტანა. მის ანგარიშზე პრემიერ ლიგის ექვსი, ინგლისის თასის ორი და ჩემპიონთა ლიგის ერთი ტიტულია.
სოლსკიაერმა მისი კარიერა "იუნაიტედში" 2007 წელს დაასრულა. 2008 წელს "იუნაიტედის" სამწრთვნელო შტაბს შეუერთდა, ხოლო 2010 წელს უკვე "მოლდეს" მწრთვნელად დაინიშნა.
წყარო:
M.E.N.