"მანჩესტერ იუნაიტედმა" დაადასტურა, რომ სეზონის ბოლომდე კლუბს ოლე გუნარი ჩაუდგება სათავეში.

სოლსკიაერი "იუნაიტედში" 1996 წლიდან 2007 წლამდე თამაშობდა. ამ დროის განმავლობაში მან 366 მატჩი ჩაატარა და 126 გოლის გატანა მოახერხა. 2008 წელს კი "იუნაიტედის" რეზერვების მენეჯერი გახდა.

ოლე გუნარი დაუყოვნებლივ ჩაუდგება კლუბს სათავეში. მენეჯერის ადგილს ის სეზონის ბოლომდე დაიკავებს, მანამ სანამ "იუნაიტედი" ახალ მწრთვნელს არ მოიძიებს. ოლე გუნართან ერთად კლუბში მაიკ ფელანიც გამოჩნდება და სოლსკიაერს "იუნაიტედის" გაწრთვნაში დაეხმარება.

"მანჩესტერ იუნაიტედი ყოველთვის ჩემს გულში იყო. ბრწყინვალე შეგრძნებაა ამ როლში ჩემი აქ დაბრუნება. ერთი სული მაქვს როდის დავიწყებ მუშაობას ამ შესანიშნავ ფეხბურთელებთან, სამწრთვნელო შტაბსა და დანარჩენ ყველასთან, ვინც "იუნაიტედშია",- განაცხადა სოლსკიაერმა.

გუნარის დაბრუნებაზე კომენტარი გააკეთა ედ ვუდვორდმაც:

"ოლე კლუბის ლეგენდაა. მას მოედანსა და სამწრთვნელო შტაბში დიდი გამოცდილება აქვს. მისი მანჩესტერულუ ისტორია მხოლოდ იმის დასტურია, რომ ის ამ კლუბით, ამ კულტურით ცხოვრობს. ყველას ძალიან უხარია მისი და ფელანის დაბრუნება. რთული მეორე ნახევარი გველის, თუმცა დარწმუნებული ვარ, რომ ისინი ყველაფერს შეძლებენ და გულშემატკივრებსა და ფეხბურთელებს ისევ გააერთიანებენ."

წყარო: ManUtd.com