თუ "მანჩესტერ იუნაიტედს" სურს რომ გამაჯრვების გზას დაუბრუნდეს, მენეჯერი უნდა გამოცვალოს. ჟოზე მოურინიოს შეგირდებმა "საუთჰემპტონთან" გამარჯვება ვერ მოახერხეს და გაუმარჯვებელი მატჩების სერია "პრემიერ ლიგაში" სამ რიცხვამდე გაზარდეს.
"იუნაიტედმა" "პრემიერ ლიგის" ტიტული უკვე 13-ჯერ მოიგო. სტატიის ავტორი, კრეფტონი, მიიჩნევს, რომ დღევანდელმა შედეგებმა "მანჩესტერის" ხელმძღვანელობას უნდა აგრძნობინოს, რომ ჟოზე მოურინიო უბრალოდ კარგი არჩევანი არ იყო.
"ეს სწორედ ის კვირაა, რომელიც ცხადად აჩვენებს, რომ "მანჩესტერ იუნაიტედმა" მენეჯერი უნდა გამოიცვალოს."
"არ ვიცი რა უნდა გითხრართ. მოურინიომ უკვე ბევრჯერ სცადა თავისი თეორიის განხორციელება, მაგრამ ჯერ შედეგს ვერ ვხედავ. თუ "კრისტალ პალასს" ვერ ამარცხებ, თუ "საუთჰემპტონს" ვერ ამარცხებ, თუ "იანგ ბოიზის" სახლში დამარცხება გიჭირს, მაშინ რაღა გინდა "იუნაიტედში"?
"მანჩესტერ იუნაიტედის" თამაში დღეს მხოლოდ ტკივილია და მეტი არაფერი. მოურინიო საკუთარ თავზე უფრო ფიქრობს ვიდრე ფეხბურთელებსა და კლუბზე. უბრალოდ უნდა ვაღიაროთ რომ ის სწორი არჩევანი არ იყო."
"ფეხბურთელებიც ვერაფერს გვთავაზობენ ახალს. რამე უნდა გააკეთონ. ვფიქრობ, დანარჩენი გულშემატკივრებიც ჩემნაირად განიცდიან ამ ყველაფერს, არავის აღარ სიამოვნებს ასეთი "მანჩესტერის" ყურება. სერ ალექს ფერგიუსონის წასვლის შემდეგ გუშინ ყველაზე ცუდი 20 წუთი ითამაშეს "წითლებმა".
რაც შეეხება "The Times"-ის ჟურნალისტს ჰენრი ვინთერს, მას ღრმად სწამს, რომ ფეხბურთელებმა მათი პასუხისმგებლობა ბოლომდე უნდა გაიაზრონ.
"თუ მართლა გსურს თავი "მანჩესტერ იუნაიტედის" ნაწილად იგრძნო მოურინიოს უკან უნდა გაიხედო. შეხედეთ პოლ პოგბას. მას ძალიან ბევრ ფულს უხდიან, რათა მსოფლიოს ერთ-ერთი საუკეთესო გუნდი წარმოადგინოს."
"მოურინიომ მას სრულად მისცა თავისუფლება, რათა საკუთარი თავი გამოეხატა. თუმცა ის ამ შანსს არ იყენებს. გუშინ საშინლად ითამაშა. არ აქვს მნიშვნელობა, თუ როგორი ურთიერთობა აქვს მას მოურინიოსთან, ის ვალდებულია, რომ გუნდი მისი შესაძლებლობების მაქსიმალური გამოყენებით წარმოადგინოს."
"გულშემატკივრები ყველაფერს აკეთებენ თავისი საყვარელი გუნდისთვის. თუნდაც მათთვის, ვინც კარგად ვერ წარგდა პუბლიკის წინაშე. მაგრამ ყველაფერს საზღვარი აქვს, მათ უკეთ უნდა ითამაშონ."