"მანჩესტერ იუნატედმა" მორიგი ქულები დაკარგა. მორიგი ქულები დაკარგა საშინაო მატჩში. ცხადია, ეს უკვე აღარავის უკვირს. ერთი ფრთა ელოდება, როდის გააგდებენ მოურინიოს, მეორე ფრთა აღრფრთოვანებულია ჟოზეს ქამბექებით და გუნდის ე.წ პროგრესით ჩემპიონთა ლიგაზე. მე მსურს პროგრესი "პრემიერ ლიგაშიც" დავინახო.

ჩვენ ჩავიციკლეთ ჩვენი გუნდის პრობლემებზე, ბევრიც გვისაუბრია პროგრესზე/რეგრესზე, რასაც ჩვენი გუნდი გვთავაზობს, მაგრამ არ გვისაუბრია მმართველობაზე და ჟოზე მოურინიოს მოყვანით შექმნილ კრიტიკულ მდგომარეობაზე. სხვა გუნდებსა და ჩვენთან ანალოგიურად განხორციელდა ცვლილებები, "ლივერპულში" - კლოპი მოვიდა, "სიტიში" - გვარდიოლა, მათ როგორც ჩემპიონთა ლიგა ასევე პრემიერ ლიგაც რადიკალურად შეცვალეს, ბოლო 10 წლის მანძილზე თუ მსოფლიოში დომინანტი ლიგა "ლა ლიგა" გახლდათ, მათ შეძლეს და "პრემიერ ლიგა" გაუთანაბრეს "ლა ლიგას", მეტიც მსოფლიოს ყურადღება მოაპყრეს ინგლისში. მართალია, ეს რონალუდს წასვლამაც განაპირობა, მარა ამ ორი ადამიანის წვლილი ძალიან დიდია!

ფაქტია, ინგლისში მსოფლიოს საუკეთესო მწვრთნელები მოვიდნენ, "პრემიერ ლიგას" კვლავ ეძლევა შანსი ავიდეს იმ მაღალ საფეხურებზე რასაც ის იმსახურებს, ამ მწვრთნელების მოსვლის შემდგომ სანახაობა ერთი-ორად გაუმჯობესდა, რასაც გატანილი გოლები თუ საფეხბურთო სანახაობა ასაბუთებს, გასული კვირის მატჩებში ტოპ 6 გუდნებისგან ძალიან ლამაზი ფეხბურთი ვიხილეთ როგორც "სიტის", ასევე "ლივერპულის" , ასევე "ტოტენჰემის" შესრულებით, "სიტიმ" შეძლო და დაამსხვრია "პრემიერ ლიგის" სტერეოტიპი, რომ ნებისმიერ სუსტ გუნდს შეეძლო ქულების წაგლეჯვა ლიდერთან, მათ გაუტანეს მინიმუმ 4 გოლი თითქმის ყველა მეტოქეს, გაცილებით მაგარი სანახაობა გამოდგა "ტოტენჰემი" - "ჩელსი", მაგრამ ამ ყველაფრის ფონზე სად არის "მანჩესტერ იუნატედი" ?

მიმდინარე სეზონში "იუანტედმა" 2 და მეტი ბურთის სხვაობით სულ რაღაც 2 - ჯერ მოიგო, "იანგ ბოიზთან" - ლიგაზე , "ბარნლისთან" - პრემიერ ლიგაში. ამის ფონზე რას აკეთებს ცინიკოსი ჟოზე მოურინიო?

ყველა პრესკონფერენცია იწყება ცინიკური მზერითა თუ ცინიკური განცხადებით, რომ იგი მოხიბლულია გუნდის პროგრესით, რომელიც სამწუხაროდ ვერანაირ შედეგს ვერ დებს! ყველა მისი ფრაზა, განცხადება თუ მზერა წააგავს სარეკლამო აგენტისას, რომელიც ცდილობს ცუდი პროდუქტი ძალად შემოგტენოს, რომელიც საერთოდ არ გჭირდება! მაგრამ ფანებზე ეს არ მოქმედებს.

ჟოზე მოურინიო ამბობს, რომ გუნდმა დააკლო ზეწოლა არწივებზე, იმის ფონზე, რომ ეშლი იანგმა 11+ ჩაწოდება მოახდინა მეტოქის საჯარიმოში



მაგრამ აქედან არცერთი გამოდგა იდეალურთან მიახლოებულიც კი, ამ ჩაწოდებების უმრავლესობა მეორე ტაიმში განხორციელდა, რაც იმაზე მიგვანიშნებს, რომ პირველი ტაიმის 0-0 ჟოზეს გენიალური შედეგი იყო!

რაც შეეხება დარტყმების სიზუსტეს :



სავსებით თანაბარი თამაში - აი რა იხილეს "ოცნების თეატრში" მსხდომმა გულშემატკივრებმა, ამ თამაშის შემდეგ გამოხვიდე და თქვა, რომ გუნდმა კარგად ითამაშა, სრული კატასტროფა და უაზრობაა, ყველა ქამბექისა თუ "იუვენტუსთან" გამარჯვების შემდგომ! ასეთია სამწუხარო რეალობა, "იუნატედი" ყველა ანსპექტში მოწყდა ლიდერთა ჯგუფს.



პრემიერ ლიგა შეიცვალა, "მანჩესტერ იუნატედმა" კი ვერ შეძლო საბრძოლო ომში ჩაბმა, ახლა კრიტიკული მომენტია, როდესაც შეიძლება საერთოდ უიმედოთ დავრჩეთ. ცვლილების დროა, საჭიროა ახალი მმართველობა და გუნდის სრული რეორგანიზაცია, სანამ ჯერ კიდევ ოდნავი იმედი მაინც არსებობს 4- ეულში შესვლის.


წყარო : carrick.ru