გასული მატჩის შემდეგ, მოურინიომ განცხადება გააკეთა, რომ მისი გუნდის დაცვითი კუთხით თამაშით კმაყოფილი არაა და იდეაში გუნდის ხელმძღვანელებს მიანიაშნა, რომ მას სჭირდება მცველები და კარგი დაცვითი სტილის ფეხბურთელები. ასევე, პორტუგალიელმა სპეციალისტმა, განაცხადა, რომ გუნდში ბალანსის შენარჩუნებაა საჭირო, რაც ამ ეტაპზე არ გამოსდით.

ამ განცხადებების შემდეგ, "გაცოცხლდა" ჭორები იმასთან დაკავშირებით, რომ კულიბალი "ნაპოლის" ძალიან მალე, ზამთრის სატრანსფერო ფანჯრის დროს დატოვებს და "იუნაიტედს" შეუერთდება. ჯერ უცნობია გარიგების დეტალები, თუმცა კულუარებში საუბრობენ, რომ მცველში ინგლისელი მხარე 75 მილიონის გადახდას აპირებს.

ნამდვილად რთულია იმის თქმა, რეალობასთან ახლოსაა თუ არა ეს ინფორმაცია, თუმცა კლუბს, რომ ცენტრალური მცველი ჰაერივით სჭირდება, ეს ფაქტია და ზემოაღნიშნული ფეხბურთელი სრულებით შეესაბამება კლუბის მოთხოვნილებებს.

წყარო: www.goal.com