როგორც ვიცით, ვრცელდება საკმაოდ არასასიამოვნო ინფორმაცია "იუნაიტედის" გულშემატკივრებისთვის, რომ დეივიდ დე ხეა უარს აცხადებს ახალი კონტრაქტის გაფორმებაზე და სეზონის ბოლოს სურს კლუბის დატოვება. ამ თემაზე დე ხეამ კომენტარიც გააკეთა, თუმცა არ დაუკონკრეტებია, რომ კონტრაქტს ხელს მოაწერს.

დღეს გავრცელდა ინფორმაცია, რომ კლუბმა ესპანელი კიპერის შემცვლელიც იპოვა და ეს იქნება "ბრაიტონის" ავსტრალიელი მეკარე - მეთ რაიანი. ეს უკანასკნელი საკმაოდ დამაჯერებლად გამოიყურება მიმდინარე სეზონში, 10 მატჩში 4-ჯერ შეინახა კარი მშრალად და გააკეთა 43 სეივი.

ჯერ უცნობია რა თანხებსა და ვადებზეა საუბარი, თუმცა თუ დე ხეას წასვლის საშიშროება რეალურია, რაიანი მართლაც კარგი ვარიანტი იქნება ესპანელის ჩასანაცვლებლად.

წყარო: www.goal.com