ისევ გაურკვევლობა, ისევ ყურადღების ცენტრში "მანჩესტერ იუნაიტედი", ამჯერად პრესის ფურცლებზე, კლუბის აღმასრულებელი დირექტორი ედ ვუდვორდი მოხვდა.
კერძოდ, ვუდვორდი გუშინ ჟოზე მოურნიოსთან დათქმულ შეხვედრაზე უნდა მისულიყო, თუმცა უცნაური გადაწყვეტილებით ის ჟოზესთან სასაუბროდ არ მისულა. The Sun - ის ცნობით, ამ შეხვედრაზე ზამთრის სატრანსფერო ფანჯარაზე განსახორციელებელი ტრანსფერები უნდა განხილულიყო, განხილვის საგანი იყო ასევე სპორტული დირექტორის პოსტი.
აღნიშნული წყაროს ცნობით, ვუდვორდმა მრგვალ მაგიდასთან მისვლა ბოლო მომენტში გადაიფიქრა რამაც "წითელი ეშმაკების" დამრიგებელი ძალიან განარისხა. ამ ყველაფერმა კი ძალიან შეუწყო ხელი ვუდვორდისა და მოურინიოს ურთიერთობის დაძაბვას.
პრესა იუწყება ასევე, რომ ეს ფაქტი შესაძლოა მოურინიოს კლუბიდან წასვლას უკავშირდებოდეს, რაც შეიძლება ზამთრის სატრანსფერო ფანჯარაზე მოხდეს.