გასული სატრანსფერო ფანჯრის დროს აქტიურად იწერებოდა სიახლეები იმის შესახებ, რომ "იუნაიტედი" ცდილობდა რომას "ლაციოს" ახალგაზრდა შემტევის - სერგეი მილინკოვიჩ-სავიჩის შეძენას. თუმცა საბოლოოდ ეს ტრანსფერი არ განხორციელებულა და მიზეზი არავინ იცოდა, დღევანდელ დღემდე. "ლაციოს" სპორტულმა დირექტორმა გააკეთა კომენტარი გასულ ზაფხულთან დაკავშირებით.
"უკვე შეგუებული ვიყავით, რომ სერგეის გარეშე მოგვიწევდა თამაში და გეგმაც გვქონდა, როგორ უნდა გაგვეკეთებინა ეს. "იუნაიტედიდან" მივიღეთ შეთავაზება, რომელზეც იტალიაში ვერცერთი კლუბი ვერ იტყოდა უარს, თუმცა ამ ყველაფერს ოფიციალური სახე 17 აგვისტოს მიეცა, ხოლო 18 აგვისტოს სატრანსფერო ფანჯარა იხურებოდა და შემცვლელის გარეშე მოგვიწევდა გაგრძელება, რაც ნამდვილად გაგვანადგურებდა ამ სეზონში. სწორედ ამ მიზეზით ვთქვით უარი ამ შემოთავაზებაზე."
მყარი მიზეზია, რატომაც არა, თუმცა საინტერესოა რა გათვლა ჰქონდათ "იუნაიტედის" ხელმძღვანელებს. უკვე ტენდენციად ჩამოყალიბდა, რომ ფეხბურთელებს მხოლოდ მაღალი თანხის სანაცვლოდ უშვებენ "იუნაიტედში" ან საერთოდ არ უშვებენ. ეს ნამდვილად არ არის კომფორტული მდგომარეობა გუნდისთვის.