"იუნაიტედისა" და ინგლისის ეროვნული ნაკრების ლეგენდარულმა ცენტრალურმა მცველმა საინტერესო განცხადება გააკეთა გუნდში მიმდინარე პროცესების შესახებ და მოურინიოს როლზე ისაუბრა გუნდში.

"ვფიქრობ, როდესაც "იუნაიტედში" მიდიხარ სამუშაოდ, კარგად უნდა აცნობიერებდე შესაძლო შედეგებს და მოსალოდნელ ზეწოლას. როდესაც "იუნაიტედის" მწვრთნელი ხარ ყველაფერი შენს კისერზეა, მოგებაც, წაგებაც და ფრეც. არ შეიძლება ყოველ ჯერზე, როდესაც გუნდი წააგებს სხვაში ეძებო პრობლემა და მოგების შემთხვევაში საკუთარ განსაკუთრებულობაზე ისაუბრო. ჩვენ არ უნდა ვიჯდეთ და ცუდის მოლოდინი არ უნდა გვქონდეს გუნდისგან, უნდა გვქონდეს იმედი და მოლოდინი, რომ ყოველ შემდეგ მატჩზე ვიხილავთ ისეთ გუნდს, როგორიც მეორე ნახევარში ვიხილეთ. ეს გუნდის რეალობა უნდა იყოს და არა ხუთ მატჩში ერთხელ გამონათება."

ალბათ ძალიან ბევრ გულშემატკივარს, ადრინდელი "იუნაიტედი" გაახსენდა. გუნდი, რომლისთვისაც დაუძლეველი ანგარიში არ არსებობდა და ასევე არ არსებობდა მეტოქე, რომელსაც ტოლსწორ წინააღმდეგობას ვერ გაუწევდა. თუმცა ნამდვილად ცუდი საზომია ამ ფორმაციის "ნიუქასლი", იმის განსასაზღვრად, რომ "ეშმაკები" ფეხზე წამოდგნენ, თუმცა მუხტი ნამდვილად იგრძნობოდა, რაც სასიცოცხლოდ აუცილებელია.

წყარო: www.skysports.com