მთელი სპორტული სამყაროს ყურადღება ინგლისის ყველაზე ტიტულოვანი კლუბის "მნჩესტერ იუნაიტედის" მიმართულებითაა მიპყრობილი. სამწუხაროა ის ფაქტი, რომ ფერგიუსონის ამ დიდებულ გუნდს დღეს უაღრესად მძიმე დრო უდგას და ყველაფერი მიწისკენ მიექანება.

თამაშიდან თამაშამდე ყველა ფიქრობს, რომ გუნდის თავკაცი ჟოზე მოურინიო სულ მალე დატოვებს დაკავებულ პოსტს, თუმცა კლუბის ხელმძღვანელობა დუმს.

ხელმძღვანელობა დუმს მაგრამ არ დუმან, სოციალური ქსელები, ექსპერტები, გულშემატკივრები, კლუბის ყოფილი ლეგენდარული ფეხბურთელები. მათ კი მხოლოდ ერთი რამ აერთიანებთ "კრიტიკა", უნდა აღინიშნოს, სრულიად სამართლიანი.

საინტერესო ფაქტი დაფიქსირდა "იუნაიტედის" მარჯვენა მცველის ანტონიო ვალენსიას "ინსტაგრამ" გვერდზე. კერძოდ, ეკვადორელმა საკუთარი გულშემატკივრების მიერ გამოქვეყნებულ პოსტზე, სადაც მოურინიოს გადადგომა იყო მოთხოვნილი არც მეტი არც ნაკლები - "დაალაიქა".




წყარო: euro-football