გავლენიანი ბრიტანული გამოცემის, Dailyexpress_ის ჟურნალისტი და ანალიტიკოსი მეთ დანი, საკმაოდ კრიტიკულ სტატიას აქვეყნებს, სადაც აკრიტიკებს ამ მომენტისთვის არსებულ მდგომარეობა "იუნაიტედში". თუმცა მის სიტყვებში საკმაო გულისტკივილიც იგრძნობა, ინგლისური გრანდის ცუდი პერფორმანსების მიმართ.
"ამ კვირების განმავლობაში ბევრჯერ მოვისმინე ეს ფრაზა და მეც გავიმეორებ, რომ ჟოზე და "იუნაიტედი" არ არიან ერთმანეთისთვის შექმნილები. საკმაოდ სუსტი ფეხბურთი აჩვენეს მათ ბოლო მატჩში, "ვესტ ჰემის" წინააღმდეგ. ისინი სრულიად ჩვეულებრივად გამოიყურებოდნენ, მე იქ "მანჩესტერ იუნაიტედი" არ მინახავს. მაშინაც კი, როდესაც გოლი გაიტანეს, დარწმუნებული ვარ, არავის უფიქრია, რომ ეს გუნდი "ქამ ბექს" შემოგვთავაზებდა, ამ გოლს მნიშვნელობაც კი არ ჰქონია, არც მოტივაციაზე ასახულა და არც შემართებაზე. მოწინააღმდეგე გუნდი მათზე ათჯერ უფრო კარგად გამოიყურებოდა და ვიტყვი, რომ უფრო მეტის გატანას იმსახურებდნენ. "იუნაიტედი" საშიშად საერთოდ არ გამოიყურებოდა. წარსულში, რომ გეთქვათ ეს გუნდი ოდესმე მეორე ნომრად ითამაშებსო, ალბათ დაგცინებდით, მაგრამ ეს დღეს რეალობაა. მოურინიო თამაშიდან თამაშამდე უახლოვდება გასასვლელ კარს, რაც გუნდს 12 მილიონი დაუჯდება. მე ვფიქრობ, რომ გუნდის იმიჯი ბევრად უფრო ძვირი ღირს, ვიდრე ის 12 მილიონი, რომელიც კიბოს მოსაშორებლად უნდა გადაიხადოს გუნდმა, რომელიც ნელ-ნელა კლავს გუნდს."