გასაკვირი არავისთვის იქნება, თუ "მანჩესტერ იუნაიტედის" ამჟამინდელ თავკაცს ჟოზე მოურინიოს კლუბი რამოდენიმე დღეში, კვირაში, ან თვეში გაანთავისუფლებს. თუმცა "ბარნლისთან" მოპოვებული სამი ქულის შემდეგ კრიტიკამ იკლო და მოურინიოც მშვიდად შეხვდა სანაკრებო პაუზას.

სპორტული ტაბლოიდები ინგლისური გრანდის მომავალ მწვრთნელად აქტიურად მოიხსენიებდნენ ამჟამად შვებულებაში მყოფ ზინედინ ზიდანს, რომელიც უკლუბოდაა და "წითელი ეშმაკებისგან" შეთავაზებას ელოდება.

თუმცა დღეს გავრცელებული ცნობით, "ოლდ ტრაფორდის" მენეჯმენტის სიაში ახალი სახე გამოჩნდა. არც ზიდანი და არც იტალიელი სპეციალისტი ანტონიო კონტე, რომელიც ასევე უკავშირდებოდა "იუნაიტედს".

Daily Express - ის ცნობით, ინგლისის ყველაზე ტიტულოვანი კლუბი, ჟოზე მოურინიოს შემდეგ, შესაძლოა, პრემიერ ლიგაში ახალგადმოსული კლუბის "ვულვერჰემპტონის" ასევე პროტუგალიელმა დამრიგებელმა ნუნუ ეშპირიტ სანტუმ ჩიბაროს.

44 წლის სპეციალისტმა გასულ სეზონში "ვულვზს" ჩემპიონშიფი მოაგებინა რის შემდეგაც "მგლები" რამოდენიმე წლიანი პაუზის შემდეგ, ინგლისის პრემიერ ლიგას დაუბრუნდნენ. ამ მომენტისთვის სანტუს "ვულვზი" ცხრილის 11 - პოზიციაზე იმყოფება, ხოლო "იუნაიტედი" მეათე.


წყარო: euro-football.ru