გულშემატკივრების მხრიდან ბოლო დროს წამოსული კრიტიკისა და უკმაყოფილების შედეგად, შეიძლება ითქვას, რომ ჟოზე მოურინიოს "ოლდ ტრაფორდზე" დიდი ხნის გატარება არარ მოუწევს. სავარაუდოდ მწვრთნელი წლეულს დაჰყოფს გუნდში ხოლო შემდეგ დიდი ალბათობით პორტუგალიელი კლუბს დატოვებს.
პრესა აქტიურად ალაპარაკდა მის შემცვლელებზე. ზოგიერთი წამყვანი გამოცემა იუწყება, რომ ინგლისურ გრანდს ჟოზეს მერე ზინედინ ზიდანი ჩაიბარებს, რომელიც ამჟამად უგუნდოდაა და ხელსაყრელ შეთავაზებებს ელოდება ამა თუ იმ კლუბიდან .
საინტერესო სიახლეს ავრცელებს Football Italia, გამომცემლობის ცნობით, გლეიზერები და ედ ვუდვორდი აქტიურად განიხილავენ ლონდონის "ჩელსის" ამჟამად უკვე გათავისუფლებული იტალიელი სპეციალისტის ანტონიო კონტეს კანდიდატურასაც. აღნიშნული წყარო ასევე იუწყება, რომ ჟოზე მოურინიოსა და პოლ პოგბას შორის ჩამოყალიბებული ცივი ურთიერთობა კლუბისათვის არაჯანსაღია.
შეგახსენებთ, რომ კონტე ლონდონურ კლუბს 2016 - 2018 წლებში ხელმძღვანელობდა. ამ ხნის მანძილზე სპეციალისტმა აბრამოვიჩის კლუბს პრემიერ ლიგა და ინგლისის თასი მოაგებინა.