"მანჩესტერ იუნაიტედმა" პრემიერ ლიგის გახსნით შეხვედრაში "ლესტერ სიტის" უმასპინძლა და 2-1 დაამარცხა მეტოქე. ანგარიში პოლ პოგბამ გახსნა, ხოლო შეხვედრის მიწურულს ლუკ შოუმ ლამაზი მოძრაობით რიკარდო პერეირა ჩამოიშორა და ეფექტური დარტყმით შმეიხელის კარი აიღო.

მატჩის შემდგომ ახალგაზრდა ფეხბურთელმა მოურინიოზე და მის სამომავლო გეგმებზე მცირე კომენტარი გააკეთა.

"მოურინიო ყოველთვის მეხმარება და მეუბნება, რომ შევუტიო. ერთი მატჩის შემდეგ ბევრის თქმა არ მინდა, მაგრამ მსურს, რომ მსოფლიოში ერთ-ერთი საუკეთესო ვიყო. ვიმედოვნებ, რომ საუკეთესო მწვრთნელთან და საუკეთესო თანაგუნდელებთან ერთად ყველაფერს მივაღწევ"- განაცხადა ინგლისელმა.

აღსანიშნავია, რომ შოუსთვის ეს "მანჩესტერ იუნაიტედის" მაისურით გატანილი პირველი გოლი გახლდათ.