"მანჩესტერ იუნაიტედმა" არ ჩათვალა საჭიროდ მწვრთნელისთვის სასურველი ფეხბურთელების შეძენა ზაფხულის სატრასფერო ფანჯრის დროს. კლუბის ხელმძღვანელობას არ ჰქონდა იმ ფეხბურთელების რწმენა, რომლებიც ჟოზემ მოითხოვა და ამასთანავე არ სურდათ ათეულობით მილიონი ფუნტის დახარჯვა მოთამაშეებში, რომელთაგანაც მხოლოდ მოკლევადიანი სარგებლის მიღებაა შესაძლებელი.
რამდენადაც სატრასფერო ფანჯარა დაიხურა და "ოლდ ტრაფორდის" ოჯახს დედლაინის დღეს ახალი წევრი არ შეემატა, შეგვიძლია დარწმუნებით ვისაუბროთ "წითელი ეშმაკების" კიდევ უფრო უკმაყოფილო დამრიგებლისა და კლუბის აღმასრულებელი ვიცე პრეზიდენტის- ედ ვუდვორდის განსხვავებულ ხედვებზე ამა თუ იმ ფეხბურთლთან დაკავშირებით. ფაქტია ედმა მოურინიოს მიერ წარმოდგენილ კანდიდატებში უზარმაზარი ფულის გადახდა საჭიროდ არ ჩათვალა.
მოურინიოს სატრასფერო მიზნებზე ( რომელიც გუნდის გაძლიერებას მცველებით გულისხმობდა) კლუბმა დასკვნა დადო- "იუნაიტედის" მენეჯმენტის აზრით წარმოდგენილი კანდიდატები (მცველები) არაფრით იყვნენ უკეთესები გუნდში მყოფ ფეხბურთელებზე და ერთ-ერთ მათგანში 70 მლნ ფუნტის გადახდა არამიზანშეწონილად ითვლებოდა. ამ ფაქტმა ჟოზე კიდევ უფრო გააღიზიანა.
როგორც ირკვევა მწვრთნელის სურვილის შესასრულებლად კლუბმა "ლესტერს" წინადადებით მიმართა ჰარი მაგგუაიერის თაობაზე, "მელიებმა" კი ვირჯილ ვან დეიკის სცენარის გამეორება მოინდომეს და მცველის გამოსასყიდ თანხად 70 - 75 მლნ ფუნტ სტერლინგი დაასახელეს, რაზეც "იუნაიტედისგან" უარი მიიღეს.
ჰარი მაგგუაიერის საგის დასრულების შემდეგ , პრესაში დაიწყო სპეკულირება კლუბის მხრიდან ტობი ალდერვეირელდის მიმართ არსებული ინტერესის შესახებ. სინამდვილეში ერთადერთი რამ რაც "წითელ ეშმაკებსა" და "ტოტენჰემს" ამ სატრასფერო ფანჯარაში აკავშირებდა იყო, ლონდონელების მხრიდან ენტონი მარსიალის გადაბირების სურვილი, რაზეც უარი მიიღეს. მწვრთნელისგან განსხვავებით კლუბს მარსიალის შენარჩუნება სურს, ჟოზე კი თანახმა იყო კაპიკის ფასადაც კი შელეოდა ფრანგ შემტევს.
კლუბის ხელმძღვანელობა უკმაყოფილოა, რომ მორინიოს მხოლოდ მოკლევადიანი გეგმები აქვს და არ ფიქრობს იმაზე, თუ რა იქნება სტრატეგიულად მნიშვნელოვანი მომდევნო წლებში. ალდერვეირელდი მარტში 30 წლის გახდება, ერთ წელიწადში კი მისი სატრასფერო ღირებულება 25 მლნ ფუნტი იქნება, კლუბს კი ამ ზაფხულს მის შესაძენად 50 მლნ ფუნტის გაღება უწევდა.
მოურინიოს განსხვავებული მოსაზრება აქვს, მწვრთნელი თვლის რომ ახალი ფეხბურთელების გარეშე სიტისთვის კონკურენციის გაწევა შეუძლებელი იქნება. ხუთშაბათს გამართულ პრეს-კონფერენციაზე გუნდის მიერ გასულ წელს მიღწეულ მეორე ადგილსა და "სიტისთან" 19 ქულიან ჩამორჩენაზე ჟოზემ შემდეგი კომენტარი გააკეთა - " ეს იყო ჩემს კარიერაში ერთი-ერთი უდიდესი მიღწევა ".
მიუხედავად ყველაფრისა კლუბი უნდა შეეცადოს და პორტუგალიელის სურვილები ნაწილობრივ მაინც დააკმაყოფილოს, რადგან ყველასთვის ცნობილია რომ ჟოზე ერთ ადგილას დიდხანს არ ჩერდება და დიდად არც ის ანაღვლებს, როგორ განვითრდება კლუბი მისი წასვლის შემდგომ.