იმ სასიამოვნო დღეების შემდეგ, როდესაც "მანჩესტერ იუნაიტედის" ფრანგ შემტევს ენტონი მარსიალს შვილი შეეძინა და მასთან უმალ გაეშურა.

იყო უსიამოვნო დღეებიც, როდესაც მან გადაწყვიტა ამერიკის შეერთებულ შტატებში მყოფ კლუბს, დათქმულ დროს არ შეერთებოდა, რასაც საპასუხო რეაქცია კლუბის ბოსებისგან მოჰყვა და შესაბამისად ენტონიც დაჯარიმებულ იქნა.

თავად ფეხბურთელმა ამის შესახებ ღია განმარტება გააკეთა. შეგახსენებთ, რომ წინასასეზონო სამზადისს ჟოზე მოურინიოს "იუნაიტედი" ამერიკაში გადის, ამ ხნის მანძილზე გუნდმა 4 დაპირისპირება გამართა, ხოლო მარსიალმა აქედან მხოლოდ 2 - ში მიიღო მონაწილეობა.

ამ წუთისთვის მარსიალი თავის ოჯახთან ერთად სახლში იმყოფება და გუნდს სულ მალე შეუერთდება.

"მადლობა ყველას მხარდაჭერისა და ყურადღებისთვის. ჩემი შვილი კარგად არის. მეუღლე ცუდად გრძნობდა თავს თუმცა ყველაფერი უკეთესობისკენ შეიცვალა. ბოდიშით, მაგრამ ოჯახი ჩემთვის პირველ ადგილზე დგას. ხვალ "მანჩესტერში" ვბრუნდები". - მიმართა გულშემატკივრებს მარსიალმა საკუთარ ტვიტერის გვერდზე.



წყარო: euro-football.ru