პრემიერ ლიგის კლუბებისთვის დრო აღარ ითმენს, რადგანაც სულ მალე ინგლისში სატრანსფერო ფანჯარა ოფიციალურად დაიხურება და შესაბამისად, პრემიერ ლიგის კლუბებიც ფეხბურთელების შეძენას ვეღარ მოახერხებენ. რას უნდა ველოდოთ დარჩენილ დღეებში ?

როგორც ჟოზე მოურინიომ განაცხადა, ის დარწმუნებულია, რომ სატრანსფერო ფანჯრის დახურვამდე ხელმძღვანელობა მას მინიმუმ 1 ფეხბურთელს აუცილებლად მოუყვანს. ვინ იქნება ეს ფეხბურთელი და რომელი პოზიციაზე უნდა ველოდოთ მას ?

"მანჩესტერ იუნაიტედი" დიდი ხნის განმავლობაში ცდილობს ცენტრალური მცველის შეძენას და ინგლისურ გრანდს ხშირად უკავშირებენ ისეთ მცველებს, როგორებიც ალდერვეირელდი, მაგუაიერი და იერი მინა არიან.

აღნიშნულს ყველაზე სანდო Sky Sports ეხმაურება და აცხადებს, რომ "მანჩესტერ იუნაიტედი" მართლაც იყო რამდენიმე მცველით დაინტერესებული, კერძოდ კი ბოლო ხანებში ჰარი მაგუაიერით, მაგრამ კლუბმა მისდამი ინტერესი დაკარგა და ახლა მათი მთელი ყურადღება "ბარსელონას" კოლუმბიელი მცველის იერი მინასადმია მიპყრობილი.

Sky Sports - ის ინფორმაციით სატრანსფეორ ფანჯრის დახურვამდე "იუნაიტედი" სწორედ იერი მინას შეძენას შეეცდება. მათი ინფორმაციით "ბარსელონა" ფეხბურთელის გასაშვებად მზად არის და ინგლისურ კლუბს დაახლოებით 30 მილიონის დახარჯვა მოუწევს.

წყარო:Sky Sports